SPP deka dilanchar Januari 2018 - Berita Iban Online

Header Ads

  • Baru Nyadi

    SPP deka dilanchar Januari 2018

    Datuk Patinggi Abang Johari Tun Openg
    KUCHING: Sebuah Pavilion Produk Sarawak (SPP) ti deka nyadi platform ngelakuka produk negeri ke Semenanjung Malaysia ti deka dipenyadika Kepala Menteri Sarawak Datuk Patinggi Abang Johari Tun Openg ba bulan Januari taun baru.

    Nya ditumbuhka Opis Menteri Pemansang Industri enggau Orang Dagang ke deka nyadi ‘one stop centre’ produk Sarawak ke bela dikaul enggau e-dagang sechara digital.

    Nya ngaul mayuh bengkah orang dagang mit enggau jelan pemesai (PKS) Sarawak ke diatur nengah chara lebih sistematik dalam siti ekosistem.

    Premis empat ringkat nya bisi palan seminar, opis, sukung servis e-dagang enggau endur bemalam ke tuju endur ngelaku sereta ngerembaika produk pedagang Sarawak ukai aja di Semenanjung Malaysia tang manggai ba renggat entarabansa, ku Sapit Kepala Menteri ke.mega Menteri Pemansang Industri enggau Orang Dagang Datuk Amar Awang Tengah Ali Hasan.

    Ku iya, premis nya ba Jalai Tuanku Abdul Rahman, Kuala Lumpur (besepiak enggau Pos Malaysia Medan Tuanku).

    Ku iya, bisi lebih 200 orang dagang Sarawak deka nganjung produk ngagai SPP nya ila lalu diautu udah bisi 32 iku orang dagang nganjung produk sida.

    “Produk menua tu ari Lawas nyentuk ke Lundu deka diengkah ba SPP lalu berengkah dijual ngagai pemeli kena 12 Disember enggau rega ke patut,” ku iya.

    Awang Tengah mega madahka SPP dipejalaika Borneo Marts Enterprise Sdn Bhd, dibuka berengkah ari jam 9 pagi nyentuk 6 lemai tiap hari.

    Ku iya, SPP mega bisi ngaga kerejasama enggau mayuh bengkah ejensi bekaul perintah negeri baka Kaunsil Pemansang Dagang Kayu Sarawak (PUSAKA), Opis Menteri Dagang Temuai, Art, Main Asal, Nembiak Lumba enggau Main, Opis Betanam Betupi Sarawak enggau Serakup Anak Sarawak.

    Penerang silik tau dipeda ba website www.sarawakpavilion.com.my tauka Facebook @sarawakproductpavillion taua Instagram @sarawakpavillion_ official. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads