SUPP Kapit begulai enggau PBSMM udah nganjung bantu ke Rumah Gawan - Berita Iban Online

Header Ads

  • Baru Nyadi

    SUPP Kapit begulai enggau PBSMM udah nganjung bantu ke Rumah Gawan

    BANTU: Bala kaban SUPP nganjung bantu barang pemesai ngagai sida ke tasah di Rumah Gawan, Lepong Baleh.
    KAPIT: Parti Sa’ati Rayat Sarawak (SUPP) Pampang Kapit bekerejasama enggau Gerempung Bulan Sabit Merah Malaysia (PBSMM) Pampang Kapit udah nganjung barang pemakai dikena mantu sida ke dituntung penusah tanah tusur di Rumah Gawan, Lepong Baleh.

    Lebuhka dirandau, Chairman Pampang, Ling Thiam Ing, nerang rambau aum komiti keterubah SUPP Pampang Kapit ungkup penggal 2018-2020, komiti pengintu pengelantang rama udah ditumbuh ngambika ngintu pengelantang bala kaban enggau mensia mayuh ti begunaka bantu kelebih agi maya bisi penusah ngenyit nyadi baka tanah tusur, bah tunggal tauka penusah rumah angus.

    “Tu pengawa keterubah kami ngagai bala komuniti. Kami deka ngasuh penatai kami bisi diasai. Ba taun ke udah.

    “Ba taun 2017, kami meli lot unit rumah ba pengawa tu. Diatu, komiti baru netapka diri ngaul bala komuniti.

    “Kami deka gawa rat begulai enggau perintah sereta pengari rayat laban SUPP tu siti ari parti komponen Barisan Nasional (BN). Kami naka ulih nguji mantu ennggau belanja ti dikemisi kami,” ku Ling thiam Ing madah.

    Entara barang ke bisi dianjung baka berau, ai, pemakai dalam tin, mee enggau ke bukai, udah diagih ngagai empat ruang bilik ti tasah kena tanah tusur, apin lama ke udah.

    Antara bala ke bisi datai nganjung bantu nya Kaunsilor Yii Si Geok sereta bala kaban indu sida sereta mega Ketuai Nembiak, Tommy Wong enggau bala komiti iya.

    Empat buah rumah (tiga buah rumah udah tegap lalu sebuah dampa) di Rumah Gawan, Lepong Baleh, ngaul 36 iku peranak ti kena pangka tanah tusur nyadi di sepanjai Jalai Melekun/Mujong, apin lama ke udah.

    Pengempu rumah, Berry Casher Ak Jarraw (enam iku diri sebilik), Petrus Anak Jak (lapan iku diri sebilik), Kerani Anak Bujang (11 iku diri sebilik) enggau Edit Anak Bujang (11 iku diri sebilik). Tiga buah rumah ti udah entap iya nya diempu Berry, Petrus enggau Kerani udah rusak ba dapur seraya dampa Edit abis ditabanka tanah tusur.

    Nasit endar nadai penusah bebadi nyawa bisi diripot nyadi rambau penusah tanah tusur ti nyadi urung pukul 2 pagi.

    Kelimpah ari empat buah rumah ke rusak, tanah tusur mega udah ngasuh penusah bah nyadi ba sambung jalai ngagai rumah nya laban sistem parit udah tepekul laban tanah enggau uras.

    Komiti Pemutar Penusah Ngenyit Pelilih ditu diketuaika Pemesai Pelilih Kapit, Elvis Didit begulai enggau mayuh bengkah ejensi perintah udah nyediaka bantu patut ngagai sida ke tasah sereta mutarka penusah nya.

    Tu penusah tanah tusur besai kedua nyadi di kandang menua nya enggau penusah keketerubah nyadi kandang beberapa taun ke udah, ngerusak sekeda rumah panjai di Lepong Baleh iya nya Rumah Gawan, Rumah Jarraw enggau Rumah Likong (diatu Rumah Juin). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads