Tanah tusur di SK Sebemban ketegal ujan, pasang besai - Berita Iban Online

Header Ads

  • Baru Nyadi

    Tanah tusur di SK Sebemban ketegal ujan, pasang besai

    Sekula Primari (SK) Sebemban. Chelak tiru: https://sksebanban8234.wordpress.com/
    BETONG: Raban Sekula Primari (SK) Sebemban, Spaoh semak ditu irauka penusah sebaka ke nyadi di SK Tanjung Assam iya nya tekerap lalu begunan labuh ke dalam sungai lebuh penusah ketegal ujan enggau ai pasang raya kilah ensana.

    Pemesai Operasyen, Opis Bomba enggau Penyah Penusah Betong, PBK1 Henry Jugah dipadahka penudah tanah tusur nyadi di belakang kuarters bala pengajar enggau belakang balai sekula ke mega tekerap ke sungai.

    “Gaya tanah tekerap ke sungai diatu semina satu tauka dua meter penyauh aja ari kuarters enggau balai sekula.

    “Tu ngasuh sida irau lalu ngaga kangau ngenyit madahka penusah ke bisi nyadi.

    “Penusah dipelaba bepun ari hari ujan enggau ai pasang raya kenyau ari kemari.

    “Dalam kandang diatu, nadai orang diau di sekula laban kemisi,” ku iya.

    Nitih ku Henry, pengudah nerima kangau, sida terus ngelawa BBP Betong urung pukul 2.52 lemai, betesauka tanah tekerap di SK Sebemban.

    “Berindik ari nya, BBP Betong udah ngerah kereban enggau raban iya ngesah ngagai endur penusah nyadi.

    “Taja gaya penusah bisi ngirauka ati nyema ujan majak nyadi sereta ai pasang raya.

    “Diatu agi ulih dijaga lalu nadai ngaul penusah bukai,” ku iya.

    Ejensi ke bisi nyaup mutarka penusah tu iya nya Polis DiRaja Malaysia (PDRM), Raban Soldadu Malaysia (ATM) enggau Raban Nyaga Pengelikun Mensia Mayuh Malaysia (APM). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads