Tetiap organisasyen dikearap ngemujur chara kereja ‘Business Excellent’ - Berita Iban Online

Header Ads

  • Baru Nyadi

    Tetiap organisasyen dikearap ngemujur chara kereja ‘Business Excellent’

    TERIMA KASIH: Awang Tengah (dua kanan) nyuaka tepa ngagai Prof Madya Dr. Azmawani Abd. Rahman seraya dikemata (ari kanan) Hashim enggau Tengku Azmi.
    KUCHING: Perintah Nengeri dekaka mayuh agi organisasy­en ari Sarawak ukai semina tebilang tang ulih besemekih ba renggat antarabansa.

    Berindik enggau nya Sapit Kepala Menteri Datuk Amar Awang Tengah Ali Hassan ngarap tetiap organisasyen ulih ngemujur chara kereja ‘Business Excellent’.

    Ku iya, ‘Business Excellent’ ti beratka pekara inovatif enggau kreatif patut seruran dikeingat sereta dikemeran belama.

    “Beratka pekara inovatif sereta berunding kreatif patut nyadi chara kereja.

    “Tetiap organisasyen patut bebendar ngemujur ‘Business Excellent’ ngambika ulih be­semekih ba tetiap pengawa ke dikereja lalu mantupka pinta orang ke nerima servis,” ku iya.

    Awang Tengah mansutka jaku nya rambau bejadi CEO Talk 2017 ke diatur Malaysian Productiviti Corporation (MPC) begulai enggau Opis Pemansang Industri Kayu Sarawak (PUSAKA) di se­buah hotel ditu, kemari.

    Chara kereja ‘Business Excellent’ ke disedia MPC ku Awang Tengah, ulih nyaup nempa organisasyen ke nyulut lalu deka ngelaika pemujur Malaysia.

    “Ketegal atur dagang ke napi mayuh ubah enggau pe­mar maya ke diatu, aku ngela­lau organisasyen beambi ulih ari 23 program pemansang kapasiti ke disedia MPC ba taun baru tu,” ku iya.

    Bisi 150 iku pesereta ke tebal agi pemesai ari PUSAKA datai ngulu CEO Talk 2017.

    Program nya dikemujur Sapit Direktor Bagi Geran Pan­sik, Prof Madya Dr. Azmawani Abd. Rahman ari Universiti Putra Malaysia (UPM).

    MPC ti ngarika Malaysia mega nyadi kaban dalam Glo­bal Excellent Model Council ke bela disereta 11 bengkah menua bukai nyengkaum USA, Eropah, Jepun, Aus­tralia enggau Singapura.

    Bela datai Direktor MPC Sarawak Tengku Azmi Tengku Majid enggau Sapit Manager Besai Pusaka Hashim Bojet. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads