Tetiap universiti dilalau meseti ngemeratka bidang IT - Berita Iban Online

Header Ads

  • Baru Nyadi

    Tetiap universiti dilalau meseti ngemeratka bidang IT

    PENERANG: Abang Johari mendingka penerang pasal projek ngangkatmanahka Curtin Malaysia ari Chan, seraya Lee (kiba) enggau Ose (kanan) ngemata.
    MIRI: Kepala Menteri Datuk Patinggi Abang Johari Tun Openg dekaka tetiap universiti patut berani nempa sereta nyerungkai peluang kereja baru kelebih agi dalam bidang teknologi pemadah seriris enggau juluk Sarawak ngemansangka ekonomi digital.

    Ku iya, palan pelajar tinggi baka Universiti Curtin Ma-laysia (Curtin Malaysia) patut ulih nyerungkai mayuh agi bidang teknologi pemadah dikena ngemansangka ekonomi digital Sarawak.

    “Sarawak kaya enggau bemacham asil sereta pemansut menua, tang siti ti kitai agi kurang iya nya teknologi.

    Nya kebuah, aku dekaka teknologi bekaul digital diberi pemerat ngambika nengeri kitai ulih besemekih dalam dunya ti majak mar.

    “Nya kebuah perintah nengeri deka mantu nyediaka agih belanja ngagai Curtin Malaysia di Senadin dikena ngemansangka kus Teknologi Pemadah (IT).

    Kebuah pia, IT semampai semak ba ati aku, lalu dekaka bidang tu dikemansang,” ku iya lebuhka bejaku nyerumba penemuai iya ngagai kampus Curtin Malaysia di Senadin, bedau lama.

    Ku Abang Johari nambah, perintah nengeri seruran nyukung universiti di menua tu ti sedia deka nyikap insti-tusyen sida enggau polisi ti dipejalaika perintah.

    Ku iya, taja pia, penyampau belanja ti diberi deka dipadah ila, amat mih universiti tu ulih tetangkupka peminta perintah.

    Nangkan nya ku iya, Sarawak chukup kaya eng-gau biodiversiti kampung enggau rampa menua asal ti apin diserungkai raban ti landik di menua tu lalu iya begunaka pansik silik.

    “Aku andal amat Curtin Malaysia ulih nyapai juluk kitai ngemansangka teknologi digital ekonomi,” ku iya.

    Sama bisi datai Menteri Pelajar, Sains enggau Pansik Teknologi Sarawak, Datuk Seri Micheal Manyin Jawong, Pro Naib Canselor Curtin Malaysia enggau Ketuai Ek-sekutif Curtin Sarawak Jim Mienczakowski, Pro Canselor Curtin Malaysia, Pro Canselor Curtin Sarawak, Datuk Pat-inggi Tan Sri Dr George Chan Hong Nam, Chairman Curtin Malaysia Datu Ose Murang enggau Chairman Lembaga Pengurusan Curtin Malaysia ke lalu nyadi Menteri Muda Dagang Temuai, Seni eng-gau Main Asal Datuk Lee Kim Shin.

    Rambau pejalai nya, Abang Johari mega bisi dibai ngabas fasiliti ke bisi di kampus nya, iya nya Palan Proses Bio, Skylark 3 enggau Palan Islamik Azman. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads