TKPM Rampangi keterubah di Sarawak nguna sistem IoT - Berita Iban Online

Header Ads

  • Baru Nyadi

    TKPM Rampangi keterubah di Sarawak nguna sistem IoT

    Datuk Amar Douglas Uggah Embas
    KUCHING: Sistem Internet ke semua tauka ‘Internet Of Thing Smart and Precision Farming System’ deka dikena nyaga sereta beratika pengawa betanam betupi ba Kebun Mendam Ngemansut Pemakai (TKPM) Rampangi semak ditu.

    Sapit Kepala Menteri Datuk Amar Douglas Uggah Embas madah, sistem IoT nya deka dipasang kena 22 Disember tu lalu nempa TKPM Rampangi nyadi keterubah ngena aplikasyen ‘Precision Farming’ di Sarawak.

    “Kami merambu deka masang IoT sebedau Krismas, iya nya 22 Disember tu, reti nya, reti nya semua pengawa nyaga, beratika sereta ngemata utai ke ditanam nyengkaum maja sereta manjah ai di TKPM tu, dipejalai nguna teknologi moden, iya nya ngena telefon pintar.

    “IoT deka deka dipejalaika ngena pematau sensor. Sistem tu tebilang endar di menua ke maju,” ku iya madah ngagai pengarang berita, lebuh ngabas palan nya di TKPM Rampangi semak ditu, ensanus.

    Uggah ti mega Menteri Pengawa Betanam Betupi Moden, Tanah Adat enggau Pemansang Kandang Menua madahka ngena sistem IoT tu setipak enggau juluk Kepala Menteri Datuk Patinggi Abang Johari Tun Openg ke ngaga transformesyen ba pengawa betanam betupi ke ngena chara lama ngagai chara betanam betupi ke betul bepelasarka teknologi pintar.

    Ngena IoT mega ku iya, ukai semina ulih ngurangka bepanggai ba pengereja pengawa tang ke pemadu beguna, ngangkatka asil sereta ngetanka kualiti.

    “Tu berat amat laban Kepala Menteri (Abang Johari) deka kitai ngalih ngagai pekara eksport produk pemakai lalu utai k e deka dieksport kitai meseti nangkup standard ti ditetap gerempung entarabansa.

    “Pemisi IoT tu, komuniti orang bumai bekebun di nengeri tu ulih besemekih enggau orang bumai bekebun di Semenanjung Malaysia, nyengkaum Thailand, Vietnam enggau Taiwan ngeluarka asil betanam betupi ke bekualiti,” ku iya.

    Ku iya baru, TKPM Rampangi deka nyadi chunto ngagai TKPM bukai, jemah ila.

    TPKM Rampangi berengkah beoperasi taun tu, ngembuan pemesai endur bumai, 20 ekar lalu ari penyampau nya, lapan ekar diungkup ke tuju bekebun chara fertigasi.

    Bisi 40 plot fertigasi bisi disediaka lalu diatu, bisi 18 pesereta, ke tebal agi ari sida nya nanam sayur buah baka chabi, entimun, tomato enggau ‘rock melon’.

    “Utai ke ditanam kami ditu, iya nya ulih ditanam di Sarawak, enti buah anggur nya ulih, nadai salah tang diatu, kami mayuh nanam utai tanam ke ulih ditanam di Sarawak baka chabi.

    “Chabi ngembuan rega eksport enggau import ke tinggi, lalu nambah mega kitai diatu kurang bekal chabi, nya alai kami fokus ngagai chabi dikena ngisi pinta domestik, udah baru dieksport,” ku iya.

    Sama bisi ngulu pengawa nya kemari, Sapit Direktor Opis Betanam Betupi Sarawak, Dr Alvin Chai enggau Chairman TKPM Rampangi Cooplay Nyipa. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads