Tuai Rumah ke mayuh peneleba patut dichiri baru - Berita Iban Online

Header Ads

  • Baru Nyadi

    Tuai Rumah ke mayuh peneleba patut dichiri baru

    KELAI BEJADI: Lo (tiga kiba) begulai enggau (ari dua kiba) TR Willie sereta Anthony melah kek genap 9 taun JKKK Genturung Pendiau Sungai Tapang.
    KUCHING: Raban ketuai bansa baka tuai rumah ti udah chukup timpuh patut dichiri sekali agi mangku pengawa, ku Kaban Kunsil Nengeri (ADUN) Batu Ki­tang Lo Khere Chiang.

    Bejaku ba pengerami ng­intu Genap 9 taun JKKK Genturung Pendiau Sungai Tapang bedau lama tu tadi, Lo pechaya raban tuai rumah ngembuan mayuh peneleba ba pengawa sida.

    “Kitai begunaka peneleba raban tuai rumah, sida udah meri servis ngagai rayat lalu nyadi penyambung entara perintah enggau rayat.

    “Berindik enggau nya,aku dekaka sida sekali agi dichiri mangku pengawa ungkup pe­maik rayat sereta genturung pendiau,” ku Lo ke mega Chairman Opis Kunsil Kan­dang Padawan (MPP).

    Pengerami nya diatur eng­gau tuju meri basa enggau puji ngagai semua kaban JKKK ti udah meri kerejasama ungkup pemujur sereta pe­mansang Kampung Sungai Tapang.

    Raban JKKK ku chairman ke mega ketuai Genturung Pendiau Sungai Tapang, Tr Willie Bohen udah mayuh mantu ngelempung semua program ke bisi digaga.

    Iya ngelalau kerejasama nya dipajak ba taun ti deka datai ngambi ulih nentu program pemansang ari perintah ulih digaga enggau lanchar.

    “Raban pengari rayat ke dulu enggau diatu sereta MPP udah suah mantu mai pemansang ngagai Sungai Tapang.

    “Kitai meseti begempung ngambi mayuh agi pemansang deka dibai kitu,” ku Tr Wil­lie.

    Bela datai Chairman SADIA Kuching Datuk Paduka Dr Anthony Nait, Pengulu Nili, SAO Datin Paduka Laceylona enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads