YABC inisiatif dikena ngembing komuniti nulak ulah kasar - Berita Iban Online

Header Ads

  • Baru Nyadi

    YABC inisiatif dikena ngembing komuniti nulak ulah kasar

    Dato’ Mohd Rafiai Moktar
    SIBU: International Youth Enlightment Camp 2017 terubah endar diatur ba Sibu lalu ngelancharka ‘Youth as Agents of Behavioural Change (YABC)’, kemari.

    Pengawa dipenyadika Mandal Chairman Anak Bulan Mirah Nasional Ma­laysia Dato’ Mohd Rafiai Moktar.

    Lebuh bejaku ba pengera­mi nya, Rafiai madah YABC endang inisiatif Gerempung Entarabansa ungkup Palang Mirah enggau Anak Bulan Mirah (IFRC) ngelakuka ulah anti-kasar enggau pengelantang.

    “Ditumbuh maya taun 2008, tuju program tu dikena ngenegapka orang ti mereti nyadi ketuai dalam komuniti.

    “Program tu chukup man­ah nengah atur nyungkak pemereti ati bala pesereta ngambika berubah ba ulah pendiau nyengkaum nyadi chunto ngagai orang bykai nengah prinsip pemun,” ku iya.

    Kelimpah nya, iya ke mega Chairman Komiti Pemansang Organisasyen madah konsistensi enggau inisiatif YABC, begunaka Prinsip Pelasar Palang Mirah enggau Anak Bulan Mirah sereta ulah mensia ti mereti.

    Ku iya mega, tu endang chunto pemadu manah ba pengawa belajar renggat en­tarabansa enggau standard ke engkeman dalam pejalai raban Palang Mirah enggau Anak Bulan Mirah.

    “YABC ukai semina bepe­lasarka chara metodologi belajar ke nitih chara be­gempung, ukai kognitif enggau pesereta.

    “Nengah bemain, simu­lasi enggau latih visual, tanggungpengawa, pengawa seni enggau ke bukai, sida bepeluang belajar chara berunding.

    “Inisiatif tu mega ngena pelasar artistik ke inova­tif awakka raban nembiak besemak enggau komuniti sereta nambahka penyedar pasa adat ti enda ngelang­gar pemali enggau nyaup ngelakuka nya.

    “YABC endang pasal ubah runding ti negu ati. Iya bepelasarka chara belajar ti miak ngagai pesereta, lalu bepanggai ngagai me­todologi ukai kognitif reti nya pengasai ati, peneleba, tubuh enggau pemintar berunding.

    “YABC ngena pelajar kaling serambau dalam mindahka nembiak ari zon pengelantang sida, berebak enggau nya mega numbuhka pendiau ti likun sereta be­basaka pangan diri lalu sida nadai dipadah nama ke patut diperunding tauka digaga mutarka pengawa begulai,” ku iya.

    Berebak enggau nya, urung 225 pesereta nyeng­kaum nembiak, pengajar enggau Pemesai Gerem­pung Anak Bulan Mirah ari Malaysia, China, Myanmar enggau Thailand bemalam ba SMK Sacred Heart ditu nyereta program pengelama lima hari bepun Hari Tiga tu tadi.

    Iya mega diatur Gerem­pung Anak Bulan Mirah Malaysia (PBSM) Sarawak enggau PBSM Sibu.

    Sama datai, Direktor PBSM Sarawak John Lam, Kaban Kaunsil Ekseku­tif Nasional PBSM James Kon enggau Delegasyen Gerempung Komiti Sum­ber enggau Nembiak Miu Kimura. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads