28 iti Kad Veteran ATM udah mujur disuaka ngagai raban PVTMS -->
Cari Berita

Advertisement

28 iti Kad Veteran ATM udah mujur disuaka ngagai raban PVTMS

Admin | beritaiban@gmail.com
January 25, 2018

LOGO: Gerempung Veteran Soldadu Malaysia Nengeri Sarawak (PVTMS)
SIBU: Gerempung Veteran Soldadu Malaysia Nengeri Sarawak (PVTMS) udah nyuaka 28 iti kad ngagai veteran soladu, empai lama tu tadi.

Kad Veteran Soldadu Malaysia (ATM) tu disuaka Presiden PVTMS Thomas Ling ba opis PVTMS.

Iya madah, semanjai taun 2017, gerempung sida udah nyaup lebih 300 iku raban gerempung nya nganjung peminta ngaga Kad Veteran ATM ari baruh Akta Veteran 2012.

“Kad tu beguna amat ngagai bala ex-soldadu ngambika sida bulih bantu baka nengah Program Pengiktirafan Veteran 1Malaysia (1MVRP).

“Kelimpah ari nya kad tu deka nentuka kelas wad alai sida berubat nitihka pangkat baikka ba sepital tauka kelinik perintah.

“Sida enggau sida sebilik tau enda bebayar enti berubat,” pia ku iya madah.

Berindik ari pekara nya, Ling andal amat raban tauka veteran ke bukai ti empai bisi kad nya ngambika nganjung peminta.

Pom peminta kad nya tau diambi ba opis gerempung sereta disempulang enggau dokumen baka salin kad pengelala veteran ATM enggau pangan ke enggau jadi maya agi gawa suba.

Siti salin Buku Pengakuan Perkhidmatan (BAT D 86/92/84), sekeping gambar pasport badu gawa enggau siti salin setipikit tikah.

Penerang silik tau ditanya ngagai Syafika Nursahara Abdullah nengah lumur 010-9337056/084-341935 tauka Thomas Ling (013-8017056). #UtusanBorneo