Header Ads

  • Berita Tebaru

    Abang Johari ngembuan juluk besai ungkup rayat Sarawak

    Datuk Patinggi Abang Johari Tun Openg
    KUCHING: Kepala Menteri Datuk Patinggi Abang Johari Tun Openg ngembuan juluk besai ungkup rayat Sarawak, ku Sekreatri Besai Barisan Nasional (BN) Dato Sri Dr Stephen Rundi Utom.

    Ku iya, Abang Johari keran deka ngangkat sereta ngemansang ekonomi Sarawak nengah pekara digital.

    “Semua tu deka dikemujur nengah ekonomi digital kelimpah nyendia perengkaguna ke patut ti ulih nyaup ngemujur perambu ekonomi digital,’ku Rundi bejaku ngagai Utusan Borneo kemari.

    Iya mansutka jaku nya lebuh dipinta ngenang tusun merintah Abang Johari nyerumba timpuh setaun iya mangku pengawa nyadi kepala menteri.

    Rundi ke mega Menteri Utiliti, pechaya Abang Johari ulih nampung polisi ke udah dituku, ke dikena mulaika hak ke patut diempu Sarawak.

    “Tu bepelasarka Sempekat Malaysia 1963 (MA63) lalu kitai deka meri sukung ke tegap ngagai iya,’ku Rundi nandu.

    Ngenang kaul ke sama, ketuai bagi Nembiak Parti Rakyat Bersatu (UPP) Dr Johnical Rayong Nyipa madahka Abang Johari siku ketuai ti ngembuan timpai ba pengawa ngembing Sarawak.

    Ku Rayong, kepala menteri ngembuan juluk moden seraris enggau pengerembai dunya baru iya nya nuju Industri Revolusyen 4.0.

    “Iya udah ngenuku polisi ti beratka pekara ekonomi digital baka ke aplikasyen Sarawak Pay, Bank Pemansang Sarawak (DBOS), Petros sereta ke bukai.

    “Kelimpah ari nya, program ubah menua pesisir mega entara pekara ti dikemerat Abang Johari,’tandu Rayong.

    Iya nambah Abang Johari deka nampung pengawa Tok Nan ti dekaka hak enggau kuasa ke patut dipulaika ngagai Sarawak. #UtusanBorneo

    No comments

    Post Top Ad