Header Ads

  • Berita Tebaru

    AJK PEDAS ngeripot Polis pasal orang ke nuduh sengapa sereta nadai bukti

    LOGO: Gerempung Dayak Sarawak (PEDAS)
    MIRI: Siku ari raban AJK Gerempung Dayak Sarawak (PEDAS), Napoleon Lawik udah ngaga ripot pasal siku lelaki ti nuduh sereta bejaie raban PEDAS tang nadai bukti di Balai Polis Miri urung jam 3 lemai kemari.

    Napoleon madahka orang ke nuduh (suspek), nulis komen ba dalam siti group ba media rama Facebook urung jam 7:26 malam kemari.

    "Komen ke ditulis suspek nya bisi ngembuan ati ti chelum sereta deka ngelabuhka nama Gerempung Dayak Sarawak (PEDAS), kami deka minta Polis nyidi orang ke nuduh nya.

    "Enti nyema suspek nya nadai ngembuan bukti ti terang, kami ari raban AJK enggau bala penyukung Gerempung Dayak Sarawak (PEDAS) ngarapka Polis mai iya ke balai sereta ngasuh iya nerangka nama kebuah iya nuduh sereta ngerusakka nama Gerempung Dayak Sarawak (PEDAS), ku iya.

    "Iya empu bansa iban, iya patut agi nyukung sereta beserakup enggau raban PEDAS, ukai nulis tauka meri komen peneka ati aja, tandu Napoleon.

    "Ripot Polis tu digaga kena meresi tauka nyaga nama Gerempung Dayak Sarawak (PEDAS) ari semua utai ke dituduh iya, ku iya. #BeritaIbanOnline

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: