Header Ads

  • Berita Tebaru

    Anang ngelakka ukui ti diinang lepas ari kandang rumah

    MINTA SAUP SEMUA: Sempurai (kanan) enggau Lau maya aum media di Sibu, kilah ensana.
    SRDC agi nerima ripot mayuh ukui bekedayau ba genturung pendiau.

    SIBU: Kaunsil Opis Menua Pesisir Sibu (SRDC) ngansak mensia mayuh enda ngelakka ukui tupi sida lepas ari kandang rumah.

    Chairman opis tu, Sempurai Petrus Ngelai madah, piak sida sebedau tu bisi nerima sebana madahka agi bisi ukui bekedayau ba genturung pendiau.

    “Kitai minta sida ke beempu ukui ngurung ukui sida laban diatu penyakit rabies agi bisi nyadi.

    “Enti enda dikurung piak penerit adat SRDC deka nangkap ukui kita,” pia ku iya madah maya aum media ditu, kemari.

    Kelimpah ari nya ku iya, iya minta mensia mayuh nyukung program vaksin rabies ke diatu benung chakah dipejalaika di Sibu.

    Ba pekara bukai, Sempurai maya tu mega ngarapka mensia mayuh bekerejasama ngemunaska penyalah muai uras sengapa endur ba kandang menua ke dipegai SRDC.

    Iya madah, piak sida endang bejalaika pengawa matau pemeresi tang enda ulih mujur nyema nadai nerima penerang tauka sebana ari mensia mayuh.

    “Nya alai, kitai ngarapka kerejasama ari semua.

    “Ngambika mujur agi, piak kitai deka bekerejasama enggau Kejiranan Rukun Tetangga (KRT) sereta Komiti Pemansang enggau Pengelikun Genturung Pendiau (JKKK) nyadika mata enggau pending kitai meri penerang sentang penyalah muai uras sengapa alai,” pia ku iya madah baru.

    Bela datai maya aum media tu iya nya Sapit Chairman SRDC Robert Lau. #UtusanBorneo

    No comments

    Post Top Ad