Header Ads

  • Berita Tebaru

    Batang Oya bah, komuniti ngelingi dilalau bejejaga

    Ting Sing Kwong
    SIBU: Tikas peninggi ai di Batang Oya nyapai tikas bejejaga ngalihari kemari lalu komuniti ba kandang menua nya diansak ngambika ngadang diri.

    Nitih ku jaku gerah ba website iHYDRO – stesyen telemetri di Stapang B ngerikod tikas ai manggai 12.37 meter (tikas bejejaga 12.20 m) urung pukul 3.15 lemai kemari.

    Ke rikod, tikas bejejaga iya nya 13.20m, lalu tikas enda likun iya nua 14.20m ungkup kandang menua nya.

    Taja pia, stesyen nya ngerikod ujan jelan iya pemangat sepenyampau 18.5mm kena 16 Januari.

    Lebuhka dikerandau, Injinir Opis Entali Ai enggau Parit (DID) bagi menua, Ting Sing Kwong madahka Batang Oya deka ngelumpa ke tebing.

    “Mensia mayuh tau ngelawa website iHYDRO meda bacha tikas ai pemadu baru ti seruran dibantaika sida,” ku iya.

    Ting ngelalau peranak ke diau di kandang menua dikelingi sungai nyaga pengelikun diri empu berindik ari gaya hari enda manah.

    Endur bukai di Sibu, tikas ai Batang Rajang mantaika bacha baka selama.

    Ba lansa ke bukai, Opis Ngemata Gaya Hari Malaysia kemari ngeluarka amaran kategori keterubah kabut enggau gelumbang di tasik dalam website sida.

    BAH: Gaya tikas ai Batang Oya dipeda urung 1.30 lemai kemari nitihka website iHYDRO.
    Kabut balat Timur Laut urung 40-50 kmph enggau gelumbang 3.5 meter peninggi dipelaba deka mangka kandang tasik di Kelantan, Terengganu, Pahang, Johor Timur enggau Sarawak nyentuk sehari tu (18 Januari).

    Gaya kabut enggau tasik begelumbang enda likunka kapal mit, aktiviti rekreasyen tasik enggau lumba tasik, tangkan iya. #UtusanBorneo

    No comments

    Post Top Ad