Header Ads

  • Berita Tebaru

    Bisi 180 iku nerima bantu nyerumba program ‘Sejambak Kasih TBC’ KKKWKK

    BANTU: Fatimah (empat kanan) nyuaka bantu ngagai siku penerima ba atur pengawa ‘Sejambak Kasih Taun Baru Cina’ ditu, kemari.
    KUCHING: Perintah Nengeri beratika pengawa rama, iya nya siti puku ke berat, ukai semina ngemanahka infrastruktur fizikal, jalai alun, eknomi, rampa menua tang mega semua pengawa rama sama beguna lalu pemerat tu deka mai pengelantang pendiau ngagai komuniti kitai.

    Menteri Pengelantang Pendiau, Komuniti, Orang Indu, Ruang Bilik enggau Pemansang Anak Mit (KKKWKK), Dato Sri Fatimah Abdullah madah (raban ke diselinting) enda tau enda dikibuhka ngambika sida iya enda ngasaika diri kena tinggal, tang tetap dikemeratka.

    “Nya alai, (raban diselinting) kami (KKKWKK), iya nya anak mit (pemansang anak mit), Orang ke Timpang Pendiau (OKU), Orang Tuai, Orang (Nadai Pengentap Pendiau), Orang Indu (Indai Tunggal, orang indu ke napi penanggul ba ruang bilik, enggau mayuh agi ke bukai.

    “Ke semua sida tu enda tau enda di kemeratka, enda tau ditinggal laban lebuh kitai ngemeratka sida iya, tu ke pemanah sida iya empu, pemanah ke pengelantang pendiau sida iya, ke ulih mantu produktiviti ke besai agi,” ku Fatimah.

    Iya madah munyi nya lebuh bejaku mungkal program ‘Sejambak Kasih Taun Baru China (TBC) di sebengkah hotel ditu, kemari.

    Ba atur pengawa nya kemari, urung 180 iku sida ke nerima bantu nya, nerima wang RM100 kelimpah ari hamper ke berega RM50 lalu di Pelilih Menua Kuching, penyampau sida ke nerima bantu beserimbai enggau Taun baru China, dalam 2,721 iku (26.73%).

    Nitihka statistik, penyampau penerima bantu nengah Sejambak Kasih, Kuching (2,721), Sibu (2,097), enggau Miri (617) ngerikod penerima ke pengabis mayuh.

    Bekait enggau pekara tu mega, bantu ninting bulan ke diungkupka ulih Opis Pengelantang Pendiau (JKMS) ari bulan Januari ngagai Disember 2017, udah ngungkupka urung RM1.93 juta mungkur urung 57,588 penerima bantu di serata menua Sarawak.

    Skim Bantu nyengkaum Bantu ke Orang Tuai (BOT), Bantu ke Anak Mit (BKK) Top Up(Perintah Menua), Bantu Am, Elawin Pekerja Cacat, Bantu Nyaga OKU/Pesakit Kronik Terlantar (BPT), Bantu OKU ke Enda ulih Gawa (BTB)Top Up (Perintah Menua), Bantu Anak Pelihara (BAP), enggau Bantu Nembiak (BBB).

    Lalu skim bantu ninting bulan ke OPis Pengelantang Pendiau Pelilih Menua Kuching, ari Januari ngagai Disember 2017, Opis Pengelantang Pendiau Pelilih Menua Kuching (JKMBK) ngungkupka urung RM3.4 juta kena mantu urung 10,178 penerima bantu ninting bulan.

    Lalu pechah belanja bantu nya ke BOT, BKK, BA, EPC, BPT, BTB enggau BAP.

    Ba atur pengawa nya mega, JKMBK ke ngena jaku rambai, ‘Find a Need to Fullfill It, Find a Hurt and Heal It’ mega bisi meri bantu kaki plesu, perenga guna kena ninga (hearing aid), kerusi ruda, bantu wang ke sida ke kena tinggang penanggul rumah angus.

    Sama bisi datai, Menteri Opis Kandang Menua enggau Pengawa Berumah, Senator Prof Datuk Dr Sim Kui Hian, Councillor ti mega nyadi chairman SUPP pampang Kota Sentosa, Wilfred Yap, sereta Direktor JKMS, Abang Shamsuddin Abang Seruji. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: