Header Ads

  • Berita Tebaru

    Chalun Saratok: Nembiak PDP nyukung penerang dibantai Tiong

    Dato Seri Tiong King Sing
    MIRI: Raban Nembiak Parti Progresif Demokratik (PDP) nyukung penuh penerang presiden parti Dato Seri Tiong King Sing ke alai Menteri Dagang Temuai, Seni, Main Asal, Nembiak enggau Lumba Sarawak Datuk Abdul Karim Rahman Hamzah enda ibuh kiruhka pekara bekaul enggau chalun di Saratok ba Pengawa Bepilih Besai (PRU) ti deka datai.

    Ketuai Nembiak iya, Kaunsilor Robert Ayu madah nyadi parti komponen Barisan Nasional (BN), sida patut bekerejasama nentuka menang enggau majoriti besai.

    “Kami ngasaika Datuk Abdul Karim enda ibuh ngeluarka penerang nya. Ke amat ba renggat baruh, kami bekerejasama rat enggau bala kaban PBB di Kalaka enggau Kabong.”

    “Nya alai, penerang ke bansa nya enda patut dibantai. Taja pia, kami ngarapka penerang nya penemu ari iya empu, ukai ngarika PBB,” ku Robert rambau aum keterubah Raban Nembiak PDP taun tu, semak ditu, kemari.

    Penuduk Parlimen Saratok diatur diarika Tan Sri William Mawan Ikom ti nyadi ex-Presiden Parti Progresif Demokratik (PDP) tauka lebuh nya Parti Progresif Demokratik Sarawak (SPDP) numbuhka parti baru dikelala ngena nama Parti Tenaga Rakyat Sarawak (TERAS).

    PDP sebedau tu madahka parti nya udah bisi chalun di Saratok.

    Ensanus, Tiong dalam penerang berita nyemetak madahka ketuai renggat baruh PDP ransing gawa sereta nemu pekara ti nyadi di Saratok lebih ari orang luar.

    Iya berasai asa seraya ngumbai Abdul Karim baka deka mambarka semangat kerejasama enggau konsensus BN, ari pengeran malut penemu chalun dipilih dalam parti komponen BN. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: