Header Ads

  • Berita Tebaru

    Dua komiti deka ditumbuh dikena mutarka pekara bekaul Sempekat Malaysia (MA63)

    Datuk Patinggi Abang Johari Tun Openg
    KUCHING: Perintah nengeri numbuhka dua komiti dikena mutarka isu bekaul enggau Sempekat Malaysia 1963 (MA63), iya nya komiti khas enggau komiti teknikal.

    Kepala Menteri Datuk Patinggi Abang Johari Tun Openg madahka nya berindik ari nengeri tu bisi chara kediri empu dikena nentuka hak dalam MA63 ulih diambi pulai baru.

    Iya chukup beterima kasih ngagai Menteri Besai Datuk Seri Najib Tun Razak ti meri timbal ke chukup manah enggau meri dua syarat

    Malaysia sereta terus meri sukung ngagai Barisan Nasional (BN).

    “Kitai deka numbuhka komiti khas, lalu ari kitai (perintah nengeri) diarika tiga iku sapit kepala menteri sereta kitai ngarapka perintah besai bisi mega nuduhka kaban komiti. Komiti tu deka berandauka pasal baka polisi besai enggau sempekat besai bekaul enggau MA63.

    “Komiti teknikal ti ditumbuh betuaika AG kitai lalu ari perintah besai mega diarika AG sida, ke alai deka berandauka pasal MA63. Komiti tu berundingka pekara ti lebih dalam tauka tinggi agi,” ku iya.

    Abang Johari ti mega Chairman BN Nengeri mansutka pekara nya dalam aum pengarang berita pengudah nyadi chairman aum Kaunsil Besai Barisan Nasional (BN) ke diatur ba Indu Opis Parti Pesaka Bumiputera Bersatu (PBB) ditu, kemari.

    SELAMAT DATAI: (Ari kanan)Pemangku Sapit Presiden PBB Datuk Amar Awang Tengah Ali Hasan enggau Uggah sereta Sekretari Besai PBB Dato Sri Dr Stephen Rundi nyambut penatai Abang Johari ke ngulu sereta nyadi chairman aum Kaunsil Besai BN ba Indu Opis PBB, kemari.
    Aum nya ti digulu semua ketuai parti, iya nya aum keterubah diatur ungkup taun tu ti berandauka sekeda isu sereta nama strategi enggau pekara ke deka dipejalaika ungkup rayat.

    Diatu pengawa berandauka pengawa meri pulai kuasa ngagai Sarawak ba renggat kedua bejalai enggau lanchar, iya nya atur tusun pengawa kelebih agi hak konstitusyen.

    “Tu ngaluska isu sereta ukai bepelasarka emosyen, tang bepelasarka fakta.

    “Kitai berandau bepelasarka semua dokumen ke dikemisi kitai sereta bepelasarka fakta,” ku iya.

    Sama bisi dalam aum pengarang berita nya kemari, Pemangku Sapit Presiden PBB Datuk Amar Douglas Uggah Embas, Sapit Kepala Menteri ti mega Presiden Parti Rakyat Sarawak Tan Sri Datuk Amar James Jemut Masing, Presiden SUPP Datuk Dr. Sim Kui Hian, Presiden Parti Demokratik Progresif Datuk Seri Tiong King Sing enggau ke bukai. #UtusanBorneo

    No comments

    Post Top Ad