Header Ads

  • Berita Tebaru

    Etnik di Sarawak dikearap begempung mutarka bemacham penanggul

    BEJADI: Samuel mangkung tawak kelai bejadika PAIS di Gua Long House di Miri, seraya dikemata kaban komiti serakup ke bukai. Sama bisi dipeda Erick (tujuh kanan).
    MIRI: Serakup Iban Sarawak (PAIS) ngarapka semua etnik Dayak di nengeri tu ulih begempung sereta besaup mutarka bemacham penanggul kelebih agi isu bekaul enggau pelajar ti agi begunaka perati, sereta main asal enggau adat lama ti majak punas.

    Ditumbuh enggau tuju negika pemerat sereta hak komuniti Dayak kelebih agi bansa Iban, PAIS mega ngarapka mayuh agi pengawa puang diberi ngagai peranak asal Sarawak ukai semina dalam sektor perintah aja, tang mega peribit.

    PAIS mega dekaka ejensi perintah ti bekaul meri bantu ari sukut belanja ngagai nembiak pandai ti seranta nampung pelajar ngagai tikas tinggi agi, kelebih agi sida ti teulihka pemutus nyulut dalam peresa.

    Ari sukut main asal enggau adat lama Iban, PAIS bepenemu tu pekara ti beguna endar lalu patut dijaga sereta ditan ngambika ulih ditampung rebak dudi hari, laban iya ukai semina ngayanka kelai bansa Iban aja, tang mega pekara ti tau dikelaku ngarika bansa Iban di renggat tinggi agi.

    Ba lansa ke bukai, PAIS udah rejista enggau Pengerejister Gerempung (ROS) dalam bulan Disember taun nyin tadi, betuaika Samuel Suring ke nyadi presiden sereta disereta Walter Sela nyadi mandal presiden I; Joseph Engkasan (mandal presiden II) enggau Hafiszah Abdullah nyadi sekretari kelimpah ari 25 iku kaban komiti ke bukai bela dichiri.

    Taja baru dilanchar taun nyin tadi, timbal chukup manah diterima ngujungka serakup tu ulih bediri teguh sereta ngerembai ngagai beberapa pampang di serata nengeri.

    Kebuah pia, PAIS sebedau tu dulu gawa ngena nama Dayak 360 (tang direjista enggau ROS ngena nama PAIS), suah bejalaika pengawa pengasih ungkup komuniti Dayak lalu udah mayuh ngatur aktiviti kelimpah nyukung pengawa ditegika gerempung ukai dikuasa perintah (NGO) Dayak ke bukai.

    “Kelimpah nyadika Miri nyadi ‘indu opis’ serakup berindik ari iya direjista ditu, PAIS diatu udah bisi pampang di Limbang, Bintulu, Sibu, Betong, Sri Aman enggau Kuching,” ku iya madah ngagai Utusan Borneo ditu, kemari.

    Pengawa ngelancharka PAIS uda diatur di Gua Long House Miri kena 13 Januari tu tadi lalu bela digulu pemantu khas Menteri Muda Dagang Temuai, Seni enggau Main Asal Datuk Lee Kim Shin, iaitu Erick Chin, ke mega Ketuai Biro Sebana Mensia Mayuh SUPP.

    PAIS di Miri mega udah chakah gawaka aktiviti belalauka komuniti nyengkaum meri bantu ngagai raban begunaka bantu lalu apin lama ke udah, nitih ku Samuel, sida udah nganjung bantu ngagai indai tunggal, Selimah Chelagat ari Lepong Ajai di Liam, Bakong.

    “Kelimpah ari nyadi indai tunggal melanja dua iku anak ti agi besekula, Selimah mega nyadi siku ari orang tasah pengudah rumah iya kena laban tanah tusur apin lama ke udah tang nadai nerima bantu ari raban (opis) pengintu pengelantang,” ku iya nambah.

    “PAIS berasai sinu enggau pendiau iya lalu udah meri bantu mimit ti dikearap ulih ngelempungka tating penusah iya ke nyadi indai tunggal,” ku iya nerang.

    Kelimpah ari nya, PAIS mega bisi mantu program ‘Pengada Laun Direjista’ ke diatur Biro Sebana Mensia Mayuh SUPP dalam bulan November taun nyin tadi, meransang mensia mayuh ke apin bisi dokumen pengelala diri, nganjung peminta sida. #UtusanBorneo

    Berita Iban Online: Beserakup meh kitai ngangkatka bala anak kitai ke benung sekula ngambika sida majak mansang ke mua sereta ulih besemekih enggau bansa bukai. 'Agi Idup, Agi Ngelaban'!

    Enti nyema nuan deka ngerejista diri tau betalipaun/Whatsapp/SMS bala raban AJK PAIS:
    Achun: 016-850 3114
    Annie Kenedy: 019-817 3664
    Bill: 013-579 1128
    Dahlia: 012-877 0020
    Fiza: 012-846 5411
    Freedwood PGW: 017-832 8443
    Jackson Nelson: 011-3530 1978
    Jacky Lingkong: 010-591 6672
    Kanyan: 019-459 3959
    Kennedy Jackson: 016-872 3655
    Liri Saban: 019-484 7717
    Mdm Sila: 011-1690 1140
    Pauline Panting: 017-807 7561
    Robert Bob: 011-1158 1548
    Roslind Yam: 013-824 3812
    Sebai: 017-857 9680
    Senia: 014-206 4174
    Tony Ungeh: 013-842 8680

    Penerang ti silik pasal Serakup Iban Sarawak (PAIS) tau betalipaun/Whatsapp/SMS:
    Samuel Suring: 012-805 8776 (Presiden PAIS)
    Welter Sela: 010-779 0655 (Mandal I Presiden PAIS)
    Joseph Engkasan: 016-572 1427 (Mandal II Presiden PAIS)
    Jemat Ngelambong: 019-697 6383 (Ketuai Pampang Sibu)
    Mathew January: 011 2500 4626 (Ketuai Pampang Bintulu)
    Delin Bajai: 012-862 2797 (Ketuai Pampang Sri Aman)
    Rosetta Kelimah: 010-817 2003 (Ketuai Pampang Betong)
    Billy Endun: 010-886 0070 (Ketuai Pampang Kuching)
    Facebook Group: Persatuan Iban Sarawak (PAIS)/Dayak 360°.

    No comments

    Post Top Ad