Header Ads

  • Berita Tebaru

    Fadilah enggau Empiang ngelengka pangku pengawa dalam PBB

    Datuk Patinggi Abang Johari Tun Openg
    KUCHING: Bagi Nembiak enggau Orang Indu Parti Pesaka Bumiputera Bersatu (PBB) deka bisi ketuai ke baru pengudah Aum Besai PBB ba bulan Februari tu.

    Presiden PBB Datuk Patinggi Abang Johari Tun Openg madah, nya pengudah kededua ketuai iya nya Dato Sri Fadillah Yusuf enggau Tan Sri Empiang Jabu mutus ngelengka pangku pengawa nya.

    “Pemutus Empiang dikena meri awak ngagai ketuai nembiak baru mangku pengawa nya lalu pia mega ba Fadillah,’ku iya.

    Abang Johari mansutka penerang nya ba aum pengarang berita pengudah ngulu aum Kunsil Besai PBB di Indu Opis parti di Jalai Bako ditu, kemari. .

    Ngenang kaul ke sama, Abang Johari madah pangku pengawa ketuai bagi Nembiak udah tu deka diberi ngagai PESAKA lalu Ketuai bagi Orang Indu ngagai  Bumiputera.

    Sentang bagi ketuai ti deka mangku pengawa nya, Abang Johari madahka pekara nya deka diputus ba Aum Besai PBB berengkah 8 nyentuki 11 Februari.

    Aum nya ila deka dipenyadi Menteri Besai Datuk Seri Najib Tun Razak.

    TERIMA KASIH: Abang Johari(dua kiba) betabi jari enggau Empiang, meri terima kasih ungkup servis ke udah diberi ngagai parti. Bela dipeda Fadillah (tengah) enggau kededua sapit presiden, Uggah (kiba) enggau Awang Tengah (kanan).
    “Tajapia, kitai udah bisi chalun mangku pengawa ketuai bagi nembiak enggau ketuai Orang Indu parti.

    “Semina, nama kededua ketuai nya deka diputus, disetuju rambau aum besai parti,’ku iya nambah.

    Iya madah nengah konstistusyen PBB, pangku pengawa Sapit Presiden (dua), ketuai Bagi Nembiak enggau Ketuai Orang Indu enda dipekit.

    Sentang ketuai Nembiak ke diatu, Abang Johari pechaya Fadillah deka ngerebut penuduk ke tinggi agi dalam parti.

    Lebuh dikerandau, Fadillah madah pekara nya deka diputus maya aum besai ti deka datai.

    “Baka ke suah nyadi dalam PBB, diatu kitai bisi awak ngagai ketuai ari raban nembiak mangku pengawa.

    “Aku ngasaika diri udah meri servis nengah sukung ari semua nyengkaum ari raban nembiak ti ngujungka pampang nembiak ulih ngemujur tanggungpengawa sekumbang timpuh aku nyadi ketuai,’ku iya.

    Bela ngulu aum kededua Sapit Presiden Datuk Amar Dougklas Uggah enggau Datuk Amar Awang Tengah Ali Hassan, Sekretari Besai PBB Dato Sri Dr Stephen Rundi enggau ketuai bukai. #UtusanBorneo

    No comments

    Post Top Ad