JPS Sarawak ngelangkar deka masang IG ba tetiap mengeri besai -->
Cari Berita

Advertisement

JPS Sarawak ngelangkar deka masang IG ba tetiap mengeri besai

Admin | beritaiban@gmail.com
January 25, 2018

Direktor JPS Sarawak Chok Moi Soon
SIBU: Opis Entali Ai enggau Parit (JPS) Sarawak ngembuan perambu deka masang perengkan dikena ngerikod peninggi tikas ai ke digelar Intelligent Gauge (IG) ba mengeri besai nyengkaum di Sibu nangkan ke tu.

Direktor JPS Sarawak Chok Moi Soon madah, taja pan baka nya perengka nya deka dipasang nitihka penyampau belanja ke bisi enggau peminta.

“Naka ke diatu, kitai benung nguji sistem tu ba tiga bengkah endur di Kuching.

“Kitai mega benung ba tikas ngemanahka agi sistem nya kelimpah begigaka belanja ngambika sistem tu ulih dipasang ba mengeri bukai nyengkaum di Sibu,” pia ku iya maya dirandau, empai lama tu tadi.

Chan mantaika pekara nya maya ditanya sentang perambu deka masang sistem IG ba endur ke suah ampuh bah di Sibu.

Tiga bengkah endur di Kuching ke dipasang enggau IG tu iya nya Jalai Badruddin, Kuarters Persekutuan di Jalai Durian Burung enggau Sekula Primari (SK) Muara Tuang.

IG tu berega RM20,000 siti ti digaga raban inovasyen JPS Sarawak ke benama DID Kenyalang.

Sistem tu dipadahka meri data nengah SMS ngagai telefon bala pemesai JPS Sarawak ti gawa maya nya sepengudah ngerikod peninggi ai 0.15 meter.

Udah nya lampu deka diidupka dikena meri tangkan nengah video tauka audio ngagai mensia mayuh ke besemak. #UtusanBorneo