Header Ads

  • Berita Tebaru

    KGBS minta Opis Kaunsil matau, neritka adat ungkup bansal pemakai luar sekula

    Ahmad Malie
    KUCHING: Gempung Pengajar Bumiputera Sarawak (KGBS) minta Opis Kunsil matau sereta neritka adat ba orang ti nirika bansal bejual pemakai di luar sekula.

    Presiden KGBS Ahmad Malie madah pinta nya nyukung jaku tesau Sapit Menteri Pelajar Datuk Chong Sin Wong bedau lama tu tadi.

    “Chong minta opis kunsil matau sereta neritka adat ba orang ti nirika bansal bejual pemakai kelebih agi pemakai ke enda ngundan zat di luar sekula.

    “Enti pekara tu enda dipatau, engka tau mai penusah ngagai nembiak sekula,” ku Ahmad kemari.

    Ahmad nambah, pemakai ke dijual diluar iya nya ba palan tebuka engka tau ngeruga pengerai nembiak sekula.

    Kelimpah ari Ahmad madah operator kantin sekula deka nerima pangka besai ari pekara nya.

    Ku iya, operator kantin deka bela besemekih ba pengawa dagang enggau sida ke nirika bansal bejual di luar sekula.

    “Operator kantin mayar suwa kantin ninting bulan enti dibandingka enggau bansal di luar ti sengapa didiri.

    “Sida ke bedagang di luar sekula nya enda mayar sebarang suwa,” ku Ahmad.

    Pengawa matau sereta neritka adat ku Ahmad deka nentuka ikas pengerai bala nembiak sekula manah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: