Lapan iku nembiak Guro Dennis udah tembu belajar bungai Spring 12 enggau Spring 24 -->
Cari Berita

Advertisement

Lapan iku nembiak Guro Dennis udah tembu belajar bungai Spring 12 enggau Spring 24

Admin | beritaiban@gmail.com
January 25, 2018

MAYUH PENEMU: Enam iku nembiak ke Tamat Jurulatih begambar begulai enggau Guro Dennis (tengah).
SIBU: Lapan iku nembiak ari Gerempung Kuntau Spring 12 Sibu udah tembu belajar kelas kuntau, empai lama tu tadi.

Sida ti diajar Guro Dennis sebedau tu belajarka bungai Spring 12 enggau Spring 24 ba pengelama dua minggu.

Maya tu mega, enam iku ari sida ka udah tembu belajar kelas kuntau bisi diberi sementing ari Guru Dennis.

Sida enam tu iya nya Edwin Maring, Leslie Singgam, Inggit Lindang, Bonnie Kupon, Nicholas Lembang enggau Hillary Panggai.

Sebedau bulih gelar nya, sida dulu agi belajar bekuntau pengelama tiga taun.

Pengawa sida tu bela dikemataka bala guro bukai baka Guro Nyawai, Guro Labang enggau Guro Philip.

Gerempung Kuntau Spring 12 Sibu tu sebagi ari gerempung pegai Gerempung Kuntau Sibu. #UtusanBorneo