Header Ads

  • Berita Tebaru

    Lebih 200 akaun SSPN1M dibuka sehari nengah Insentif GS

    Logo Perbadanan Tabung Pendidikan Tinggi Nasional (PTPTN)
    MIRI: Bisi 200 ngagai 300 akaun udah digaga dalam sehari ba Skim Simpanan Pendidikan 1Malaysia (SSPN1M) enggau tetiap orang ti ngempu akaun nerima RM500.

    Menijar Perbadanan Tabung Pendidikan Tinggi Nasional (PTPTN) Miri, Mohd Lutfie Mohd Nafifi madahka Insentif Geran Sepadan (GS) nya semina ditatak ngagai 500,000 iku orang ti ngempu akaun aja.

    “Apai indai tauka pengibun ti nyimpan dalam SSPN1M sepenyampau RM500 ngagai bala anak beumur 7 ngagai 12 taun ulih nerima GS RM500,” ku iya.

    Kenu ku iya, apai indai udah nemu pasal GS tu ba pengawa mantaika Bajet 2018 tu tadi ti dibantaika Menteri Besai Datuk Seri Mohd Najib Tun Razak.

    Dataika diatu ku iya, mayuh apai indai agi nedat palan PTPTN tauka muka akaun SSPN1M di institusi bank ti dipilih.

    Antara pinta ke bukai GS RM500 iya nya insentif tu semina patut diterima sida ke ngaga akaun tauka nambahka deposit ti digaga berengkah ari 1 Januari 2018 nyentuk 31 Disember 2018.

    Sida ti ngempu akaun semina tau nerima sekali insentif GS500 aja lalu dipasuk ba bulan udah nya maya penyampau deposit udah manggai RM500.

    Ba lansa ke bukai, Menteri Muda Dagang Temuai, Seni enggau Main Asal, Datuk Lee Kim Shin begulai enggau bala Ketuai Komuniti China bisi ngusung PTPTN Miri kemari.

    Ku Lee, pejalai nya dikena meri penerang ngagai sida pasal servis enggau skim pelajar ti disediaka PTPTN.

    “Sida enda nemu silik pasal SSPN1M tauka Geran Sepadan, nya kebuah kitai ngemai sida kitu ngambika nemu silik agi pasal skim di baruh PTPTN,” ku iya nerang.

    Perintah ku iya udah nyediaka agih belanja penyampau RM250 juta dikena ngemujurka juluk perintah meransang apai indai besimpanka belanja ungkup bala anak.

    “Pengudah sida ngaga akaun SSPN anak penyampau RM500, pencarum deka nerima pia aja RM500 lalu iya enda ulih dikeluar dataika umur bala anak sida manggai 18 taun,” ku iya nerang nyemetak.

    Penerang silik bekaul enggau insentif geran sepadan tau ngelawa website www.ptptn.gov.my  tauka telefon nuju careline PTPTN ba 03-2193 3000.

    Sama bisi datai Temenggong Datuk Seri Lee Sie Tong, Pemancha Yong Vui Seng sereta Ketuai Biro Publisiti SUPP Senadin, Erick Chin. #UtusanBorneo

    No comments

    Post Top Ad