Masing dekaka kelab lumba, main chakah ngatur program ti ngaul raban nembiak -->
Cari Berita

Advertisement

Masing dekaka kelab lumba, main chakah ngatur program ti ngaul raban nembiak

Admin | beritaiban@gmail.com
January 23, 2018

Tan Sri Datuk Amar Dr James Jemut Masing
KAPIT: Sapit Kepala Menteri Sarawak Tan Sri Datuk Amar Dr James Jemut Masing madah ngagai Kelab Lumba Rekreasyen 7D ke alai iya deka meri mayuh agi belanja ungkup aktiviti kelab nyema sida chakah ngatur program ti ngaul raban nembiak dalam main futsal enggau main bol.

“Kemeranka pemanah pengawa kita ngelama tu. Aku deka meda kita seruran chakah ngatur aktiviti lalu aku deka ngagihka mayuh agi belanja dikena kita ngatur iya,” ku Masing ngelalau lebuh nerima penemuai bala kaban Kelab Lumba Rekreasyen 7D Kapit kena pagi Hari Minggu tu tadi.

Dulu agi ari nya, Masing ngemendarka RM6,000 ngagai kelab dalam taun 2017 dikena bejalaika aktiviti.

Batang tuju penemuai bala kaban kelab ngagai Masing mantaika ripot aktiviti 2016 enggau 2017 ti dipejalaika Kelab Lumba Rekreasyen 7D.

Antara bala ke bisi datai, chairman iya, Sng Chin Kung, bala pemain Jonathan Antau, Mohd Hisyam Afifi, Lionel Philip, Clifford Unggam, Awanku Izwan, Mohd Nurafiffin, Hilson Hingan, Dicky Ngidang, Ricky Lingga, Gilbert Rungom, Havit Philip, Ansi Konyuo, Samuel Saw Wei en, Kennedy Jawing, Andyson Nyurak, Alexson Nila, Wilton Jugo, Adrian Minda, Ting Ming Long, Justine Jambai, Joshua Otut, Brandon Ambang sereta Steward Bilong.

Ku Sng Chin Kung, antara aktiviti udah diatur iya nya ‘Kejohan Bola Sepak Liga LSC Kapit Dan Piala F. A. James Jemut Masing Tahun 2016’, ‘Kejohanan Futsal Liga Sukan Untuk Semua Song’, ‘Kejohanan Liga TSJ Dan Piala F.A. James Jemut Masing 2017’, ‘Kejohanan Futsal Terbuka Sibu 2017’, ‘Kejohanan Futsal bawah 20 Tahun Terbuka Sibu 2017’, ‘Kejohanan futsal Terbuka Kapit 2017’, ‘kejohanan Futsalk Terbuka P 207 Igan 2017’, ‘kejohanan Futsal Terbuka Mania Cup 2017’, ‘Kejohanan futsal Terbuka BBSB 2017 Di Bintulu’, ‘Pertandingan Futsal Liga Akademi Sri baleh 2017’, Kejohanan futsal Piala Puta Kuching 2017’ enggau ‘Kejohanan futsal piala Christmas Kapit 2017’.

Sama bisi datai Sekretari Politik Kepala Menteri Nicholas Kudi Jantai, Residen Kapit Joseph Belayong, Pemesai Pengatur Pengawa Masing – Robert Liman, Pemesai Pelilih Bukit Mabong Douglas Pungga, Pemesai Pengatur Pengawa Opis Residen Kapit Belayong Pok sereta bala bukai. #UtusanBorneo