Header Ads

  • Berita Tebaru

    Maybank ngerembaika servis QRPay ngagai Pasar Malam Siniawan

    GAMBAR: Maybank QRPay (c)#SoyaCincau
    BAU: Maybank udah ngerembaika servis QRPay iya ngagai Pasar Malam Siniawan ba pengawa meri sukung ngagai pengusung enggau bala pedagang di menua nya.

    Bejadika pengawa nya kena malam Hari Lima di Pasar Malam Siniawan, Kaban Kunsil Nengeri (ADUN) Serumbu, Miro Simuh, meri terima kasih ngagai bank ti udah milih pasar malam nya ungkup program ke bansa nya.

    “Kitai chukup benasit laban Pasar Malam Siniawan udah dipilih (Maybank) nyadi taba keterubah ungkup program ke bansa tu, inisiatif dikena nyukung pengusung enggau bala pedagang di menua tu ngasaika pengawa bebayar digital,” ku Miro.

    Pemesai Pelilih Bau, Anielia Siam sereta sekeda staf Maybank mega bisi datai rambau bejadika program nya.

    Iya madah QRPay nya seriris enggau juluk Kepala Menteri Datuk Patinggi Abang Johari nempa mayuh agi transaksyen digital maya atur dagang enggau aktiviti ekonomi.

    Maybank ngelancharka QRPay iya ngena kod QR dalam bulan Disember taun nyin tadi lalu servis iya ngemendarka penguna bebayar tekala nya produk enggau servis ari manchar kod QR ba peranti mudah alih sida nengah aplikasyen Maybank2u. #UtusanBorneo

    No comments

    Post Top Ad