Header Ads

  • Berita Tebaru

    MYDIN nyediaka peluang gawa ungkup peranak di Petra Jaya

    Datuk Wira (Dr) Ameer Ali Mydin
    KUCHING: Palan bebeli barang MYDIN di Petra Jaya ke digaga ngena ungkus RM200 juta nyendia awak gawa ngagai 500 iku peranak ke diau ngelingi.

    Direktor MYDIN Mohamed Holding Berhad, Datuk Wira (Dr) Ameer Ali Mydin pechaya pekara nya ulih nyaup ngangkatka sosio eokonomi rayat ke diau ngelingi kelimpah nerenak penau ba sentang pengawa dagang ‘runchit’.

    “Kelimpah ari nya, MYDIN Petra Jaya nyendia rega borong ngagai semua ti deka meli barang ungkup program pengasih,” ku iya ba jaku pengelalu rambau pengawa bejadi MYDIN Petra Jaya kemari.

    Pengawa dikemujur Kepala Menteri Datuk Patinggi Abang Johari Tun Openg.

    Begunan MYDIN Petra Jaya digaga ba pemesai 812, 090 kaki persegi ke alai 299, 598 kaki persegi ungkup pasar ke nyual mayuh macham barang.

    Entara sekeda iya nya makit basah, pemakai, aksesori, pengerai, perengka nulis, barang orang Islam, pekayan, barang rumah, perengka lumba sereta ke bukai.

    Piak Mall ke ba pemesai 512, 492 kaki persegi mungkur 52 iti lot kedai enggau 10 bazar bejual.

    Kelimpah ari nya, Ameer madah MYDIN Petra Jaya bisi 1133 palan ngengkah entuka lalu meri pengelantang ngagai orang ke datai.

    Nitihka penerang iya, seiti balai ungkup guna mensia mayuh bisi mega digaga ba palan nya lalu tau diguna endur ngatur pengerami.

    Ku iya, balai ke disikap enggau perengka guna nya tau dikena enggau enda bebayar.

    Berengkah kemari nyentuk ngagai 28 Januari 2018, MYDIN Petra Jaya ngadu promosyen bejual. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: