Header Ads

  • Berita Tebaru

    Nengeri ulih dikemansang enti rayat beserakup, ku Taib

    GEMPURU KHAS: Tun Taib tama ngagai Kompleks Kunsil Nengeri seraya disempulang Kepala Menteri Datuk Patinggi Abang Johari Tun Openg enggau (kiba) Speaker Kunsil Nengeri Datuk Amar Mohamad Asfia Awang Nassar, pengudah ngulu Istiadat Bebaris Gempuru Khas Aum Ketiga Bagi Penggal Kedua Dewan Kunsil Negeri ke diatur ba Dataran Perbarisan, DUN ditu, kemari.
    KUCHING: Ulah ti deka bebakih, bebasaka pangan diri sereta ulih nyambut penemu orang bukai aset ti pemadu beguna, ke patut dikemerat sereta ditanka di nengeri tu.

    Tuai Megai Menua (TYT) Sarawak, Tun Pehin Sri Abdul Taib Mahmud madah, nengah chara nya Sarawak ke diuan pupu bansa ulih beserakup sereta ulih mekuh ngagai pengawa ngemansangka nengeri.

    Kitai berasai lantang laban ngembuan pemesai ti dinamik, bepenau sereta bisi tanggungpengawa lalu ngemeratka pemaik enggau pengelantang rayat, ku iya.

    “Kitai amat betuah laban tetiap pupu bansa di nengeri tu udah ngemeran sereta ngemeratka ulah ti deka bebakih, bebasaka pangan diri enggau ulih nyambut penemu orang bukai.

    “Ulah ti baka nya aset ke pemadu beguna ke patut ditanka dikena nentuka kitai ulih mekuh ngagai pemansang nengeri ke pengelantang rayat.

    “Kitai patut belajar ari penyarut ke nyadi ba menua bukai ke udah ngeruga pemansang, ngerusak reta tengkira, nabanka nyawa sereta pengujung iya mai pemerinsa ngagai rayat,” ku iya.

    Tun Taib ngingatka pekara nya lebuh bejaku ba Gempuru Khas Aum Ketiga Bagi penggal Kedua Dewan Kunsil Negeri Sarawak Ke-18 Beserimbai enggau Penumbuh Ke-150 Taun Dewan Kunsil Negeri Sarawak, ke diatur ba Kompleks Kunsil Nengeri (DUN) ditu, kemari.

    Iya madahka politik ti tegap ke ulih dijapai nengah pengawa ngemeranka konsep bekunsi kuasa nyadika perambu pemansang menua ulih dipejalaika enggau nyulut.

    Nya alai rayat nengeri tu patut berasai temegah ati ngagai pengelantang  ti diasai sereta ditampung ngelama tu.

    “Aku arap bendar Sarawak ba pelasar ti betul laban pengering tauka penegap kitai bepanggai ba penyerakup pupu bansa di nengeri tu. Kitai patut anang nerima sebarang penemu luar ke bisi ati deka ngeruga pemaik enggau pengelantang kitai ngelama tu.

    “Ingat, ukai senang kita nempa penyerakup enggau pemaik sereta pengelantang dalam raban bansa ke mayuh bansa pengudah merdeka.

    “(Penyerakup, pemaik sereta pengelantang) Patut dijaga enggau iring politik lalu diatur bepuluh taun enggau kerejasama entara kitai,” ku iya seraya madahka ulah deka ngempitka kaul bansa baka diatu patut dipajakka.

    Kelimpah ari nya lebuh ke ngenang pasal pemansang di menua pesisir, Tun Taib madahka diri gaga ati laban perintah beratka pengelantang pendiau peranak di kandang menua pesisir.

    Iya muji pengawa perintah ti ngenyampatka pemansang di kandang menua pesisir, laban nengah pemansang sektor menua pesisir mayuh peluang ekonomi dulih dipejalaika.

    “Tanah enda dikena mega udah dikemajuka ngena pemansang pengawa bekebun bedandang besai komersial ti udah nyungkak penatai pemisi peranak di menua pesisir.

    “Pengawa ngerembaika akses servis pengerai enggau pelajar di menua pesisir mega udah meri penguntung tauka pemanah sereta diasaika peranak menua pesisir,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: