Header Ads

  • Berita Tebaru

    Orang dagang MLM ti begunaka modal tau minta ijinsi perintah, ku Noraden

    Datuk Mohd Naroden Majais
    KUCHING: Orang dagang ‘Multi-Level Marketing (MLM)’di Sarawak ti begunaka bantu ari sukut modal tau minta skim mayar dagang sida iya ke bisi disediaka ulih ijinsi perintah.

    Menteri Muda Pemansang Pengawa Dagang Mit enggau Umbas iya (PKS) enggau Orang Dagang, Datuk Mohd Naroden Majais madah, tu laban pengawa dagang MLM diterima ulih ijinsi perintah ke meri bantu wang di menua tu.

    Ku iya, entara skim bantu wang ke ulih dipinta ulih orang dagang ke bejalaika pengawa dagang MLM, iya nya baka Bumiputera Enterprise Enhancement Programme (BEEP) enggau Skim Lun Industri Mit enggau Umbas Iya (SPIKS).

    “Ambika chunto, enti begunaka modal RM20,000 kena ngemansangka pengawa dagang sida iya, BEEP deka meri geran 50 peratus ngagai orang dagang ke mujur nya, lalu enda ibuh dibayar pulai baru.

    “Laluh iya ulih dipinta ari Opis Opis Pemansang Ekonomi Sarawak (SEDC) nengah SPIKS, ke nyendiaka penyampau bungai, iya nya empat peratus aja,” ku iya madah lalu nandu baru madahka pom minta skim bayar nya tau diambi ari opis di Wisma Sumber Alam enggau SEDC.

    Iya madah munyi nya lebuh bejaku ngepunka Seminar Eksklusif Bersama Produk Vken,ti bela digulu ulih Ketuai Pegawai Eksekutif (CEO) Maxgaba International Trading Sdn Bhd, Pam Yap di Hotel Samudra ditu, kemari.

    Ba atur pengawa nya mega, Naroden ti mega nyadi Menteri Muda E-Dagang ngelalau rayat Sarawak ngepunka pengawa dagang sida iya ‘online’, ke nyadi palan alai ngulihka pemisi.

    Iya madah, setipak enggau pemerat Perintah Menua ke deka meda mayuh agi rayat menua tu enggau ngulu pengawa dagang ‘online’ ke nyadi trend kemaya hari tu.

    “Trend pengawa dagang baru nya, ngaga dagang sida iya semua ngena ‘online’ baik nya ngena aplikasi media rama tauka laman web bukai, tang utai ke nyadi di Sarawak, kitai jarang endar ngena teknologi mantu kitai empu, lebuh internet ulih dikena bejalaika dagang kitai sereta ngulih pemisi ke mayuh,” ku iya.

    Bepelasarka nya ku iya, iya ngelalau komuniti di menua pesisir ke enda nemu ngena internet ngaga dagang sida iya, ngambika sida iya belajar, ngambika sida iya ulih nyadi sebagi ari komuniti orang dagang ‘online’.

    “Enti enda nemu, end tau enda belajar, ngena sistem baru kena kita bedagang laban chara tu muntang agi alai kitai mantaika produk kita ke mungkur datai ke serata dunya,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: