Header Ads

  • Berita Tebaru

    Pemujur Sarawak ke sehari tu asil ari pengawa dikereja bala ketuai kelia

    Datuk Patinggi Abang Johari
    KUCHING: Kunsil Nengeri Sarawak ukai semina sebuah rumah aja tang endur seraban ketuai ke bisi pemerat beratika Nengeri Sarawak, belabanka penemu sereta setuju enggau chara ke patut ditengah Sarawak, diatu, sereta nyentuk ke jemah ila.

    Kepala Menteri Datuk Patinggi Abang Johari lebuh nutup jurai iya ba hari ngerami Kunsil Nengeri ke-150 taun, sereta Kunsil Nengeri ke pemadu tuai di Malaysia, madahka ba pemujur nengeri baka ke sehari tu, asil pemendar sereta saup pengawa bala ketuai ke kelia, ke alai bisi sekeda pemesai nya agi enggau kitai diatu.

    “Aku ngambi peluang tu meri terima kasih ngagai semua ketuai  kitai ari kelia nyentuk ke sehari tu ba semua saup sereta pengawa ke udah digaga sida ngagai Kunsil Nengeri Sarawak.

    Iya bejaku munti nya ba Aum Kunsil Nengeri Sarawak beserimbai enggau Pengerami ngintu Penumbuh Ke-150 Taun Dewan Kunsil Nengeri Sarawak ba Komplek Kunsil Nengeri ditu, kemari.

    Ku iya, enggau ati ke baruh, ngarika semua Kaban Kunsil Nengeri (ADUN) sereta ngarika semua rayat Sarawak, aku meri terima kasih ngagai Tun Pehin Sri Abdul Taib Mahmud ke pemesai pengawa iya ti udah nimpai jauh sereta ngubah  Sarawak nyadi nengeri ke moden maya ke agi  nyadi Kepala Menteri megai Perintah Nengeri tu dalam kandang 33 taun sebedau tu.

    “Pengawa ke udah digaga TYT, nengah visyen enggau pengelandik iya  deka terus ngiring ngembing kitai di Sarawak nyentuk ke jemah ila,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: