Header Ads

  • Berita Tebaru

    Penanggul ai deka teputar pengudah pengawa ngangkatmanah loji meresi ai tembu digaga

    NGABAS: Alexander (dua kiba) disempulang Dennis (tengah) enggau bala pemesai ngabas Sungai Nalin.
    LONG BEDIAN: Penanggul ai ti ditapi peranak ba pelilih mit Long Bedian di Ulu Baram dipelabaka deka teputar pengudah pengawa ngangkatmanah loji meresi ai tembu dipejalaika.

    Geran nya udah dikemendarka Sapit Menteri Pemansang Menua Pesisir enggau Kandang Menua, Datuk Alexander Nanta Linggi lebuh ke nemuai ngagai Long Bedian kena Hari Satu tu tadi.

    Loji meresi ai ke diatu nya asil ari projek komuniti lalu operasyen enggau pengawa ngintu nya mega dipejalaika komuniti. Ketegal betapi enggau pengurang ari sukut belanja enggau peneleba ba operasyen enggau pengelandik ngintu, ai ke dibekalka nya suah mayuh penanggul.

    “Digaga dalam taun 2014, kapasiti logi nya nangkup guna penyampau tubuh di Long Bedian ke diangkat nya  p elilih mit. Udah datai ba maya loji nya diangkat manah ari baruh Opis Mekal Ai Menua Pesisir (JBALB),” ku iya seraya ngemedarka pengawa ngangkat manah ti dipejalaika opis iya.

    Berebak enggau nya,Kaban Kunsil Nengeri Telang Usan Dennis Ngau meri terima kasih ngagai opis menteri nya seraya madahka palan nya deka nyadi endur ngatur lalu nusun pengawa kelimpah servis mega  betambah lalu dagang enggau aktiviti bukai deka ngubah lalu ngerembaika pemansang di Long Bedian.

    “Penyampau tubuh mega deka nambah. Diatu bisi urung  304 buah ruang bilik ke direjista ke ngembuan 3,000 iku lalu 100 peminta bedau dikemendarka.”

    Sistem paip ti enda manah ketegal suah pechah deka nyadi batang penanggul ba pengawa mekal ai ngagai peanak menua nya.

    Sama bisi maya nya, Menteri Muda Bekal Ai Liwan Lagang enggau SAO Ezra Uda. #UtusanBorneo

    No comments

    Post Top Ad