Header Ads

  • Berita Tebaru

    Penanggul paip pechah di Serian udah diputarka JBALB

    DEKA DIKEMANAH: John (dua kiba) lebuhka ngabas batang paip pechah ke pemadu baru disempulang bala pengari ari kunteriktor.
    SERIAN: Kaban Kunsil Nengeri (ADUN) Bukit Semuja John Ilus ngarapka penanggul bekal ai nuntung pasar Serian kenyau ari beberapa hari ke udah deka teputar ari pengawa ti dipejalaika Opis Bekal Ai Menua Pesisir (JBALB).

    Ku iya, ensanus JBLAB jampat nimbal peminta iya ngemanahka batang paip pechah ketegal kereja ti dipejalai ba projek Jalai Besai Pan Borneo.

    Iya nerangka batang paip pechah ngujungka kesuh ai baruh enggau tangki langkang di pasar nya tiga hari ke udah.

    “Pengawa udah dipejalai lalu kereja udah tembu ngemanahka batang paip pechah pagi tadi (ensanus). Dikearap paip enda agi pechah ba kereja ti benung dipejalai ila,” ku iya.

    Ku iya, batang paip pechah ke pemadu baru nyadi urung pukul 6 lemai kena Hari Dua, lalu tu ngujungka tangki langkang di menua baka Kakai, Pasir, Stabun enggau kandang menua ngelingi.

    Disempulang beberapa iku pengari ari kunteriktor projek jalai besai, John ngabas paip ke pechah pemadu baru.

    Kereja agi dipejalai dikena ngemanahka jalai di baruh Bulatan Serian ngagai Simpang Pantu (SPJ) pakej kereja tauka WPC03 Jalai Besai Pan Borneo.

    Peminta udah digaga ngagai opis bekuasa bekaul ngambi ngemanahka paip pechah lalu JBALB jampat nimbal peminta nya. #UtusanBorneo

    No comments

    Post Top Ad