Header Ads

  • Berita Tebaru

    Pengawa deka ngangkatmanah 41 buah klinik desa endang patut, ku Dr Hilmi

    Dato’ Seri Dr. Hilmi Yahya
    MIRI: Pelin seriris enggau pengawa ngangkatmanah semua 41 buah klinik desa di nengeri Sarawak, dikena nyediaka pengawa ngintu pengerai meruan agi ngagai sida ke diau mendam di kandang menua pesisir.

    Sapit Menteri Pengerai, Dato’ Seri Dr. Hilmi Yahya madahka pengawa ngangkatmanah tu endang patut dikena nentuka pengawa ngintu pengerai perintah ulih dikenatai ngagai peranak menua pesisir di serata nengeri.

    “Aku empu udah ngabas mayuh klinik desa enggau klinik pengerai. Endang sinu meda tebal agi endur tu udah kelalu tuai, repuk sereta suntuk perengkaguna. Kitai bisi awak ngangkatmanahka endur tu ngambika bisi perengkaguna ti meruan agi,” ku iya.

    Tebal agi klinik desa ku iya, semina klinik beperesa kandung aja ti nadai klinik pesakit pulai hari.

    “Nya alai, pelin ngangkatmanahka klinik tu ngagai KK bansa-7, nyengkaum kededua klinik meresa kandung enggau klinik pesakit pulai hari.

    “Tentu mega, tu deka begunaka timpuh sereta mayuh belanja, tang kitai dekaka nya mungkur semua orang, ukai semina ngagai sekeda pesakit aja,” ku iya.

    Ku Dr Hilmi nambah, dikena nangkup peminta ngintu pengerai, klinik mindah kin kitu, klinik bot sereta mega servis lutur pengerai endang seruran sedia meri bantu.

    “Kitai naka ulih gawa nentuka semua orang nerima servis ngintu pengerai ti patut diterima sida,” ku iya.

    Dr. Hilmi bisi ngabas Sepital Miri enda lama kemari, disempulang Direktor Sepital Miri Dr. Jack Wong enggau sapit iya, Dr. Alice Tiong, Matron Chieng Sui Hoon sereta mega bala staf perubat ngagai wad enggau unit perubat intensif. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: