Pengering raban Soldadu Bridged Garis Entara Menua Ke-31 deka terus dikerembai -->
Cari Berita

Advertisement

Pengering raban Soldadu Bridged Garis Entara Menua Ke-31 deka terus dikerembai

Admin | beritaiban@gmail.com
January 24, 2018

Mejar Jeneral Datuk Stephen Mundaw
KUCHING: Raban Soldadu Bridged Garis Entara Menua Ke-31 deka terus dikerembai dudi hari nyaga pengelikun garis entara menua Sarawak (Malaysia) enggau Kalimantan Barat (Indonesia).

Panglima 1 Divisyen Infantri, Mejar Jeneral Datuk Stephen Mundaw madahka kandang diatu pengering Bridged garis entara menua Ke-31 bisi 25 peratus lalu sida deka diambi gawa tumu agi dikena nambahka pengering raban soldadu sida di garis entara menua kitai Sarawak enggau Kalimantan Indonesia.

“Kitai mega deka mindahka latih enggau ngemai sekeda raban soldadu kanan ari 30th Border Brigade ari Semenanjung Malaysia datai kitu, ku iya pengudah nerima penemuai meri basa ari raban Nembiak Gerempung Bansa Dayak Sarawak (SDNU) di opis iya, kemari.

“Deka bisi 12 da agi palan nyaga garis entara menua ditumbuh ngambika mayuh agi raban soldadu ari rejimen garis entara menua dianjung gawa ngagai kia,” ku iya nambah.

Ku Mundaw, kelimpah ari nya, bisi mega deka ditumbuh dua ‘Forward Operational Bases’ (Fob) ke bendar nyadi palan pengangkut dikena nyaup palan garis entara menua tu.

“Siti ari Fob deka ditumbuh di Bakun lalu siti ke bukai di Mabong di Kapit. Dua Fob nyadi pemerat ngagai kitai ngambika dikemansangka diatu,” ku iya.

“Nyangka deka bisi dua da agi ditambah, tang aku enda ulih madah diatu. Kesemua Fob tu nyaup palan di sepemanjai garis entara menua,” ku iya nandu.

Ku Mundaw, dikena nyikap meruan agi, pekara besai Border Bridgade iya nya latih ngambika sida ulih gawa manah agi ba pangku pengawa diri.

Kelimpah ari nya, raban soldadu gawa rat begulai enggau ejensi perintah bukai baka Opis Imigresyen Malaysia, Opis Kastam DiRaja Malaysia, Opis Menteri Dagang Dalam Menua, Koperasi enggau Orang Bebelika Barang (KPDNKK), Polis DiRaja Malaysia, General Operation Forces enggau bala bukai,” ku iya.

Kitai bisi pangku pengawa diri lalu ejensi tu mega bisi pangku pengawa sida empu, kitai bela nyaup pangan diri, ku iya nambah.

Ku Mundaw, perambu enggau pemansang bridged garis entara menua endang pengawa seruran dikereja sereta engkeman ba jam iya lalu taun ti, sida deka nambahka pengering enggau deka ngambi mayuh agi orang gawa.

Naka diatu, sida bedau numbuhka sebarang briged lalu pengering Bridged garis entara menua Ke-31 ke bisi diatu chukup kena nyaga pengelikun Sarawak (Malaysia) enggau Kalimantan Barat (Indonesia).

Ku iya, Bridged garis entara menua Ke-31 diatu nyaga pengelikun di garis entara menua Sabah, Sarawak enggau Kalimantan Barat tang dudi hari sida ulih numbuhka bridged ke bukai, semina ungkup Sabah aja.

“Tu deka nyadi runding manah endar enggau Bridged garis entara menua Ke-31 ke diatu patut chukup dikena nyaga pengelikun Sabah enggau Sarawak,” ku iya.

Mundaw mega madahka nadai isu di ICQ di Tebedu laban iya chara pemadu manah dikena nyungkak dagang ekonomi antara Indonesia enggau Malaysia lalu ukai nya nengah chara belalai baka ‘jalai tikus’.

“Pengawa numbuhka ICQ di garis entara menua Tebedu ngemuntangka semua atur pejalai barang enggau servis sereta tama enggau pansut antara kededua menua,” ku iya. #UtusanBorneo