Header Ads

  • Berita Tebaru

    Peranak Baram diperansang terus nyukung chalun BN ba PRU14

    Anyi Ngau
    MARUDI: Kaban Parlimen (MP) Baram, Anyi Ngau, udah ngatur pejalai ngabas sitak menua dipegai iya laban deka meda empu penanggul ditapi peranak Baram.

    Ku iya, tu keterubah iya ngabas rumah panjai di Zon Ili Bakang pengudah dipilih nyadi MP Baram kenyau ari taun 2013.

    Ku Anyi Ngau,berindik ari Pengawa Bepilih Besai Ke-14 (PRU14) majak semak, manah agi nyikap diri dulu lalu nya nyadi batang pejalai iya ngabas semua kandang menua enggau nadai sebarang atur program ti meruan.

    Anyi mansutka jaku tu lebuh program randau begulai enggau rayat di Rumah Tuai Rumah Giling Manggai, Rumah Panjai Sg Buluh Ili Bakong, kena pagi Hari Enam tu tadi.

    Ku iya, sitak Baram patut bisi chalun Barisan Nasional (BN) ari Parti Demokratik Progresif (PDP) tang kitai bela nemu sida maya raban tetinggi mantaika nama sida.

    Nya alai, kitai meseti meri sukung tegap ngagai chalun BN ngambika mayuh agi pemansang di kandang menua tu.

    “Beri sukung sama baka Pengawa Bepilih Nengeri (PRN) suba. Sekalika tu kitai deka majoriti besai agi ungkup chalun BN lalu beri sukung nadai bebagi kita ngagai aku (chalun) tauka orang bukai ke dipilih, laban kitai dekaka BN menang enggau majoriti besai, ngambika peminta kitai deka didingga agi raban tetinggi.”

    Berebak enggau program nya, Anyi bisi ngemendarka geran Projek Mit Pemansang Menua Pesisir (MRP) penyampau RM10,000 ngagai Komiti Pemansang enggau Pengelikun Genturung Pendiau (JKKK) Rumah Giling lalu RM100,000 da agi – Projek Mesra Rakyat (PMR), sereta penyampau RM13,000 ngagai JKKK Rumah Nyegang Nawin, Sg Temiang enggau PMR penyampau RM30,000 dikena bebelika ramu rumah.

    JKKK Rumah Sayun enggau JKKK Rumah Jelaping, Sg Arang A enggau B bela nerima RM10,000, seraya JKKK Rumah Ansi RM7,000 enggau JKKK Rumah Gadong nerima MRP penyampau RM5,000.

    Sama bisi bejaku rambau atur program nya Tuai Rumah Giling Manggai.

    Sama bisi datai Ex-Kaunsilor Tuai Rumah Blalang Atom, Ex-Kaunsilor Suei Garit sereta bala kaban PDP Bagi Menua Mulu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: