Header Ads

  • Berita Tebaru

    Perintah chakah mai transformasyen nengah SCORE

    Tun Pehin Sri Abdul Taib Mahmud
    KUCHING: Perintah terus chakah mai transformasyen dalam ekonomi nengeri ngena chara ngerandang pengeraja baru nengah Projek Koridor Kuasa Ulih Dikena Baru (SCORE).

    Tuai Pemegai Menua (TYT) Yang di-Pertua Negeri Sarawak Tun Pehin Sri Abdul Taib Mahmud gaga ati laban penumbuh pemansang SCORE udah ngenataika asil baka mujur ngemansangka pemisi ti bisi peluang baka kuasa hidro-elekterik, ti ngenyampatka proses industri di nengeri tu.

    “SCORE diatu udah mayuh narit ati pemeranak puku kelebih agi dalam industri berat ti ngena kuasa.

    “Aku gaga ati laban industri ti bejalaika operasi ba kandang SCORE udah muka mayuh peluang gawa enggau dagang ngagai peranak ba endur nya,” ku iya lebuh bejaku ba ‘Persidangan Khas Mesyuarat Ketiga Bagi Penggal Kedua’ Kunsil Nengeri (DUN) Sarawak Ke-12 Beserimbai enggau Pengerami Ngintu Taun Ke-150 Kunsil Negeri Sarawak ba Kompleks DUN ditu, kemari.

    Bejaku baru  iya madahka pemujur nya udah mantu nyungkak Pemansut Kasar Asil Dalam Menua (KDNK) ngagai RM124 bilion ba taun 2016 dibandingka semina RM550 juta ba taun 1963.

    Dalam timpuh ti sama rega eksport udah manggai ngagai RM77 bilion ba taun 2016 dibandingka semina RM373 juta ba taun 1963. Lalu penyampau pengawa ke bisi diatu iya nya 1.2 juta ba taun 2016 enti dibandingka semina 294 ribu ba taun 1963, ku iya.

    “Sarawak diatu udah tejapaika tikas guna pengereja pengawa penuh lalu penyampau ke nadai pengawa kurang ari empat peratus.

    “Aku meri besai terima kasih enggau peluang gawa sereta dagang ke bisi di Nengeri tu, penyampau ke seranta mujur dikurangka ari lebih 56 peratus ba taun 1976 ngagai semina 0.6 peratus ba taun 2016.

    “Penyulut tu ngayan sereta nunjukka pengulih pemesai tauka ketuai ke ngiring Perintah kitai seruran bebendar sereta chakah ngangkatka nasib rayat,” ku iya seraya ngarapka penyulut nya meri penegap tinggi ngagai pemesai enggau rayat ngenegapka Sarawak nuju tikas pemansang ti nyulut lalu nempa nama ba renggat dunya. #UtusanBorneo

    No comments

    Post Top Ad