Header Ads

  • Berita Tebaru

    Rest in Peace Tan Sri Datuk Sri Celestine Ujang Anak Jilan

    Rest in Peace Tan Sri Datuk Sri Celestine Ujang Anak Jilan
    Ex-Mantan ADUN Kemena Sarawak, Tan Sri Datuk Sri Celestine Ujang Anak Jilan, 70 taun, udah midang kena 10 January 2018, urung jam 7:45 malam tu tadi di Sepital KPJ Kuching.

    Niang Tan Sri Celestine Ujang Anak Jilan tu mega salah siku ari raban politik veteran tebilang di Sarawak sereta kala megai tanggungpengawa nyadi Menteri Karbinet, Sapit Presiden enggau Ketuai Permuda PBB dibaruh parti PESAKA.

    Meri penyinu ati ngagai sida Tan Sri Datuk Sri Celestine Ujang Anak Jilan sebilik ketegal penusah ti udah nyadi. Ngarap ke sida sebilik kelebih agi ngagai Datin Sri Elizabeth Pawa (bini) sereta anak iya ti ditinggalkan niang besabar enggau penguji diberi Petara.

    Nitihka ripot diterima Berita Iban Online tubuh niang Tan Sri Celestine Ujang Anak Jilan deka di sengaie bala mayuh kena Hari Lima, 12 January 2018, ba rumah sida iya di (alamat rumah) : No 8, Jalan Urat Mata, Tabuan Jaya, 93350 Kuching, Sarawak.

    Niang Tan Sri Datuk Sri Celestine Ujang Anak Jilan deka dikubur kena Hari Enam, 13 January 2018, ba Pendam Nirvana, Bau, Kuching.

    Jaku Gerah: Semua kaban belayan ke jauh enggau semak ba seluruh Malaysia ke ngelala niang Tan Sri Datuk Sri Celestine Ujang Anak Jilan dipinta datai ngesah penusah kenyadi tu..

    Enggau tu mega, kami ari raban BeritaIban.com deka mai semua kita besampika niang Tan Sri Celestine Ujang Anak Jilan ngarapka semengat iya begulai enggau Apai di Serega.. RIP Tan Sri Datuk Sri Celestine Ujang.. Pementas enggau pemanah nuan semampai dikingatka kami belama..

    No comments

    Post Top Ad