Header Ads

  • Berita Tebaru

    Sarawak teulihka 10% equiti ari Petronas

    Datuk Patinggi Abang Johari Tun Openg
    KUCHING: Teulihka equiti ba penyampau 10 peratus ari Petronas ba LNG9 di Bintulu entara sekeda pemujur randau enggau Petronas,Ku Kepala Menteri Datuk Patinggi Abang Johari Tun Openg.

    Berindik enggau nya, iya madah Perintah Nengeri keran ngadu mayuh agi aktiviti ke bekaul enggau minyak sereta gis enggau Petronas.

    “Ngarika Perintah Nengeri kitai meri jaku puji ngagai Petronas ti meri awak kitai ngambi bagi ba LNG9.

    “Munyika padah niang kepala menteri ke dulu, tu mih chara kitai ulih ngadu kerejasama enggau Petronas.

    “Petronas pan meretika pengeran kitai ti deka ngambi bagi ba mayuh agi aktiviti ke bekaul enggau minyak sereta gis di Sarawak,” ku iya.

    Abang Johari mansutka jaku nya ba aum pengarang berita pengudah ngemata pengawa nyain MoU entara Opis Sekretari Pekara Wang Sarawak enggau Petronas ba sentang ‘Sarawak State Goverment’s Equity Participation in Petronas LNG9 Sdn Bhd (PL9SB) kemari.

    Pengawa diatur di Wisma Bapa Malaysia lalu bela digulu Sapit Kepala Menteri Tan Sri James Masing enggau Sekretari Perintah Nengeri Tan Sri Mohd Morshidi Ghani.

    Ba Mou nya, Sarawak diarika sekretari Pekara Wang Nengeri Dato Sri Ahmad Tarmizi lalu Petronas diarika Mandal Presiden (Senior) Korporat Strategi Ir. M Firouz Asnan.

    SEMPEKAT KEREJASAMA: Abang Johari (tengah) ngemata Ahmad (kanan) besilih penerang MoU enggau M Firouz (kiba) di Kuching kemari.
    Ba pengawa ke sama, Abang Johari mega ngemata Mou kerejasama lojistik entara Hubline Bhd enggau Petronas Chemicals Marketing (Labuan) Ltd (PCML).

    Hubline ke nyadi siti kompeni asal Sarawak diarika Chairman Ibrahim baki lalu PCML diarika CEO Shamsari M Ibrahim.

    Bela datai Menteri Pekara Wang II Dato Sri Wong Soon koh enggau Presiden ke mega Group CEO Petronas Tan Sri Wan Zulkiflee Wan Ariffin. #UtusanBorneo

    No comments

    Post Top Ad