Header Ads

  • Berita Tebaru

    Semina 24 peratus apai indai meresa pemisi dalam gajet anak sida

    Datuk Seri Rohani Abdul Karim
    KUALA LUMPUR: Semina 24 peratus apai indai meresa pemisi dalam gajet anak sida ke beumur tiga nyentuk 17 taun, ku Menteri Pemansang Orang Indu, Ruang Bilik enggau Raban Bansa Datuk Seri Rohani Abdul Karim.

    Ku Rohani, pemutus nya diulih ari 1,165 responden ke mega apai indai ti enggau ba program sepanjai ngintu pengerami ‘Bulan Keluarga Kebangsaan 1Malaysia’ kena bulan November taun siti nyin tadi.

    “Nyauka 80 peratus apai indai ngemendarka anak sida ngembuan sereta nguna gajet. Taja pia, semina 15.1 peratus ari apai indai ngerara nguna gajet enti anak sida ngereja penyalah,” ku iya ba sebengka penerang kemari.

    Ku iya baru, pansik mega tetemuka semina 48 peratus apai indai natak jam nguna gajet lalu 3.7 peratus enda ngemataka anak sida nguna gajet.

    Taun nyin tadi, opis menteri udah ngambi inisiatif ngatur kimpin ‘No Gadget Hour’ ngambika apai indai nguna awak lepa enggau chara ke bekualiti agi begulai enggau anak sida ari ti ngemeratka bepegaika gajet. #DayakDaily

    No comments

    Post Top Ad