Header Ads

  • Berita Tebaru

    Semina PM aja ulih madah maya PRU14 diatur, ku Ting

    Y.B. Datuk Sebastian Ting Chiew Yew
    MIRI: Kaban Kunsil Negeri Piasau, Y.B. Datuk Sebastian Ting Chiew Yew ketawaka pesan ke dikerembai ti madahka parlimen deka direrak kena 17 March ngambika PRU14 diatur.

    Ku iya, haribulan ti dikerembai ba media sosial nya bula laban semina Menteri Besai Datuk Seri Najib aja ulih madah maya ke amat.

    ” Semina PM aja nemu haribulan nya. Haribulan bukai ti dipadah enti ukai ari PM nya semina berita selebubu ngagap.

    ” Sesapa aja tau ngaga berita selebubu ngapa. Bisi sekeda nya madah dalam bulan March, bisi mega madah dalam bulan April lalu bisi mega madah sebarang maya. Taja pia, enti haribulan ukai dipadah PM, nya semina berita selebubu ngapa,” ku iya.

    Ting madah munyi lebuh ke ngenang pasal pesan bekaul enggau pengawa bepilih ti dikerembai ba media rama nyengkaum WhattApps.

    Ku iya, PM deka mataika haribulan ke amat PRU14 enti amat udah sedia, seraya iya ngelalau mensia mayuh anang pechayaka berita nya. #DayakDaily

    No comments

    Post Top Ad