Header Ads

  • Berita Tebaru

    Servis internet enda bebayar disedia ba Square Tower kena 26-28 Jan tu

    Datuk Patinggi Abang Johari Tun Openg
    KUCHING: Dewan Bandaraya Kuching Utara (DBKU) bekerejasama enggau Sacofa Sdn Bhd deka nyendiaka servis internet laju pechuma belabuh  26 nyentuk 28 Januari tu ba kandang Square Tower, Tebing Sungai Kuching.

    Nitihku penerang berita ensanus, tu endang inisiatif ti dipejalai seriris enggau rambai jaku agenda DBKU nempa Kuching nyadi sebuah  ‘Bandaraya Digital Pintar enggau Pengerah’.

    “Enda ulih dikenadai Sacofa Sdn Bhd mega sebengkah serikat pemansang infrastruktur telekomunikasi di Sarawak ke megai tanggungpengawa nyendiaka jalur lebar bekualiti betikas dunya.

    “Pengawa tu seriris enggau buah penemu Kepala Menteri Sarawak, Datuk Patinggi Abang Johari Tun Openg dalam ngenegapka  ekonomi digital ungkup rayat ditu,” ku iya.

    Nengah nya dikearapka semua peranak mengeri tu datai ngagai Pengerami Agenda DBKU begulai enggau diri sebilik lalu ngambi gambar begulai lalu tepu dalam laman media rama baka facebook enggau instragram ti dikelai #SayangiKCH enggau  #MA2018!

    Sebarang tanya tau betelefon nuju Pemesai Seranta DBKU, ngena lumur 082-512200 sambung 2204 tauka 2311 (Mohammad Azlan Mohamed tauka Fleming Michael).

    Piak DBKU mega dipeda nengah laman rama facebook ba Dewan Bandaraya Kuching Utara enggau laman instagram diberi nama @Bandarayaku. #UtusanBorneo

    No comments

    Post Top Ad