SIIC merambu ngatur mayuh program ungkup taun 2018 - Berita Iban Online

Header Ads

  • Baru Nyadi

    SIIC merambu ngatur mayuh program ungkup taun 2018

    Zabariah Haji Matali
    KUCHING: Palan Penerang Islam Sarawak (SIIC) ba taun 2018 deka ngatur mayuh program ke seraris enggau juluk Sarawak nuju ubah digital.

    Nitihka penerang CEO SIIC, Zabariah Haji Matali, palan nya merambu ngatur lima program besai ke mungkur pekara nerenak penau, wakaf, sains enggau teknologi, pekara mensia mayuh enggau penyerakup.

    “Program ke diatur palan tu seraris enggau tanggungpengawa SIIC ditumbuh, iya nya ngemudahka pemereti sentang pekara Islam ari mayuh bengkah sukut.

    “Kitai deka ngadu interaksyen enggau mensia mayuh kelimpah ti nempa kerejasama begulai enggau sekeda ejensi ke tau nyaup ngemujur lima program besai SIIC,’ku iya.

    Zabariah mansutka jaku nya ba Program ‘Happenings@SIIC 2018’ di SIIC ditu, kemari.

    Entara program ke diperambu ba taun 2018 ku Zabariah iya nya ‘Islamic Knowledge Conference 2018’, ‘Knowledge Day:Wakaf and Social Obligatioms’, ‘Tun Taib Lecture Series’.

    Licha sentang Pekara Islam Renggat Menua sereta ‘The Future of Humanitiy 2018 enggau Pengerami Kreativiti & Inovasi Islam 2018 bela deka diatur.

    “SIIC mega deka ngelanchar aplikasyen ‘mudah alih’ SIIC ba bulan Februari 2018 ngambi ngemudahka mensia mayuh ngulihka penerang sentang Islam.

    “Aplikasyen tu nyadika inisiatif SIIC dikena nentuka palan tu bela nyingkang ba dunya globalisasyen enggau digital.

    Ba program kemari Pemesai Tadbir Khas ari Opis Kepala menteri Dato Norhyati Mohd Ismail bisi mantaika licha Islam & Transformesyen Digital. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads