Header Ads

  • Berita Tebaru

    Siku indu betu ba penusah angus nuntung sebuah rumah di Beluru

    NGERARA API: Bomba benung ngerara teda api ke nganguska sebuah rumah ba Beluru Bakong di Miri kemari.
    MIRI: Siku indu agi berasai kesal lebuh ke betu laban penusah angus ke nuntung rumah iya ba Beluru Bakong ditu, pagi kemari.

    Ba penusah ke nyadi pukul 10.50 pagi nya, indu ke benama Chua Bee Hong, 48, betu tikas satu ba lengan kanan.

    Indu nya terus dibai laki iya ngagai Kelinik Pengerai Beluru ngambika diperubat.

    Ba penusah nya, empat diri menyanak nyengkaum siku penyuawa semina tinggal gari ba tubuh aja pengudah rumah alai sida diau retung empa api.

    Ketuai Opis Bomba enggau Penyah Penusah Malaysia Zon 6 Miri Penguasa Kanan Bomba I Law Poh Kiong madah, bomba nerima kangau tasah bekaul enggau penusah nya urung pukul 10.53 pagi.

    Nitihku iya, raban bomba ari Balai Bomba enggau Penyah Penusah Miri dianjung berumban ngagai palan penusah nyadi nyaup ngerara api.

    “Bomba datai urung pukul 12 tengah hari ngeripotka penusah angus ke nuntung sebuah rumah ke udah angus lengis.

    “Pengawa ngerara api dipejalaika nengah siti jalai ai lalu terus ‘Overhaul’, lalu raban bomba beguna awak urung 30 minit endur ngerara api,” ku iya madah nengah penerang media kemari.

    Law madah, dua Raban Bomba Volunteer (PBS) Entulang turut bisi ngesah pensuah nya lalu nyaup raban bomba ngerara api. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: