Header Ads

  • Berita Tebaru

    Siku lelaki digiga polis mantu mansik kes timbak

    WANTED: Patrick Buddy Siam, 30 taun, Peranak Rumah Panjang Rh Antas, Skrang, Sri Aman.
    KUCHING: Polis diatu benung ngiga siku lelaki ke dipelabaka bisi kaul enggau kes timbak ke nyadi ba sebuah restoran di Palan Bebeli Barang di Kuching City Mall ke nyadi tengah malam kemari.

    Tiga iku lelaki ke benung makai di restoran nya nyauka bebadi nyawa ditimbak lebuh saspek dipadahka ngeransi udah iya dirara tiga iku lelaki, sebedau penusah nya nyadi.

    Nitihku ku Ketuai Opis Pemansik Penyalah Sarawak Datuk Dev Kumar, saspek, siku lelaki ke ngena senjata siti senapang patah ngachitka senapang nuju restoran nya, sebedau ngerarika diri ngena sebuah kerita.

    “Berindik ari nimbak nya, tiga iku lelaki ke gawa nyadi penarit kerita, siku penarit kerita berumur 47 taun, kena timbak ba perut enggau kaki, siku agi lelaki ke gawa nyadi tukang jual bakal ba kaki kanan lalu siku agi penarit kerita berumur 30 tauan bakal ba kaki kiba.

    “Ketiga-tiga iku lelaki nya diri sebakih lalu sida iya udah diperubat ngagai Sepital Besai Sarawak (HUS),” ku iya madah nengah jaku pemadah ditu, kemari.

    Bekait enggau kes nya, Dev madahka pansik ba saspek nya beratika saspek nya sebedau tu bisi belaya enggau ketiga-tiga lelaki nya.

    “Saspek dipelabaka bisi belaya ba sebuah buding pengereja pengawa pengudah ke charut enggau pangan indu iya.

    “Saspek udah nya bisi dirara warden buding, nyengkaum tiga iku lelaki nya ngambi enda ngaga sebarang penanggul ba hostel nya, lalu ngasuh sida iya pansut ari endur nya,” ku iya.

    Taja pia, Dev madahka kes nya nadai bekait enggau sebarang geng samseng lalu mensia mayuh enda ibuh irau ati.

    “Kami nemu sapa suspek nya, lalu kami benung ngiga iya,” ku iya.

    Berindik ari kes nya, polis benung ngiga siku lelaki, Patrick Buddy Siam, 30, ari Rumah Panjai Rh Antas, Skrang, Sri Aman, mantu nasat kes nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: