Header Ads

  • Berita Tebaru

    Siku orang tuai ti mai motosikal bebadi enggau pikap diripot parai kemari

    Superintendent (Supt). Alexson Naga Chabu
    BINTANGOR: Siku orang tuai ti balat bakal pengudah motosikal ditepan iya bebadi di jalai alun enggau sebuah pikap kena lemai Hari Lima tu tadi udah diripot parai tumu pagi kemari.

    Ketuai Opis Pansik Enggau Penerit Adat Trafik Indu Opis Polis Kontinjen Sarawak, Superintendent (Supt). Alexson Naga Chabu madah, penusah nya nyadi urung pukul 4 lemai (12 Januari) di Jalai Bintangor-Sarikei, besemak enggau simpang Pakan.

    “Niang ke bebadi nyawa dikelala enggau nama Bakar Bakir, 94, ari Rumah Tuton, Nanga Betan Buku, Pakan.

    “Pansik tumu penusah nya madahka niang datai ari Sarikei deka biluk tama ngagai Simpang Pakan, di sepiak kanan jalai.

    “Taja pia niang dipelaba enda ngetu dulu sebedau biluk ngujungka iya dilantak pikap datai ari Sibu.

    “Niang balat bakar udah ditaban nerima perubat di Sepital Sarikei ngena ambulans,” ku iya ba sebengkah penerang berita, kemari.

    Tang urung pukul 2 pagi, raban Opis Polis Bintangor udah dipadahka Sepital Sarikei ke alai niang madamka seput di wad sepital nya.

    Ba lansa ke bukai, deriba pikap nadai bakar lalu kes tu udah dipansik di baruh Seksyen 41(1) Akta Pengangkutan Jalan (APJ) 1987. #UtusanBorneo

    No comments

    Post Top Ad