Header Ads

  • Berita Tebaru

    Sistem grid ai nyungkak ekonomi peranak tebing tasik

    Datuk Dr Juanda Jaya
    MUKAH: Sistem grid ai di kandang menua pesisir ti udah dipadahka Kepala Menteri Datuk Patinggi Abang Johari Tun Abang Openg kena Hari Minggu tu tadi deka meri empas ti manah ngagai sistem bekal ai menua tebing tasik.

    Kaban Kunsil Nengeri (ADUN) Jemoreng Datuk Dr Juanda Jaya madah, tu deka mutarka penanggul bekaul bekal ai beresi kelebih agi sida ke diau di kandang menua tebing tasik.

    “Kitai ngarapka nengah projek grid ai renggat keterubah tu deka mantu mutarka isu ai beresi sereta penanggul bekal ai kelebih agi ungkup peranak di kandang menua tebing tasik,” ku iya madah ngagai Utusan Borneo kilah ensana.

    Iya mega udah madah tu deka meri empas ngagai sekeda projek besai ti digaga di kandang menua pesisir ke udah dilangkar Kepala Menteri.

    Juanda pechaya tu entara projek ti meri pemaik sereta pengelantang ngagai peranak di kandang menua ditu ungkup timpuh panjai ari sukut ngulihka bekal ai beresi.

    Abang Johari kena Hari Minggu tu tadi udah madahka projek masang grid paip ai skala besai renggat keterubah ti deka digaga ari Tekat Batang Ai terus ngagai Tanjung Manis ti beungkus RM1 bilion.

    Kelimpah dikena ungkup pengawa sehari-hari, iya mega madah bekal ai beresi nya mega dikena ungkup pengawa komersial baka betanam betupi enggau ke bukai.

    Abang Johari mega bisi madah iya nya perintah nengeri deka terus mekuh ngagai pemansang bekal ai kelimpah ari pekara pelajar sereta jalai alun enggau aspek pemansang ke bukai di kandang menua pesisir. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: