Header Ads

  • Berita Tebaru

    SK Bukit Balai, SK Ulu Segan berengkah dibuka, SK Sg Genaan agi ampuh

    DITUTUP: Laman SK Sg Genaan agi ampuh.
    BINTULU: Sekula Primari (SK) Bukit Balai enggau SK Sg Genaan di Pelilih Sebauh antara 24 buah sekula primari kena penusah ampuh bah di nengeri tu.

    Penerang baru ari Opis Pelajar Pelilih Sebauh (PPD) madahka pengawa meresi kelas benung dipejalai di SK Bukit Balai kemari. Sekula bisi 348 iku nembiak, 27 iku pengajar sereta 13 iku staf ukai akademik.

    Ampuh bah diripot udah surut kemari lalu pengawa ngajar enggau belajar ungkup Primari 6 udah dipejalai baka selama.

    Taja pia, kelas ungkup Primari 1 ngagai 5 enda ulih dipejalai lalu bala nembiak dipinta mulaika diri ke rumah seraya nganti gerah udah tu ila.

    Berebak enggau nya, SK Sg Genaan bisi 25 iku nembiak, 11 iku pengajar enggau enam iku staf ukai akademik agi ditutup laban laman sekula agi ampuh penalam empat kaki.

    SK Ulu Segan ke mega dituntung penusah ampuh bah agi beoperasyen baka selama.

    Sekretariat Komiti Mutarka Penusah Ngenyit Nengeri dalam penerang berita madahka naka pukul 12 tengahari, lima buah sekula ditutup iya nya SK Sg Bong (Baram), SK Kuala Bok (Baram), SK Ng Bon (Sibu), SK Kuala Kenyana (Mukah), enggau SK Sg Genaan (Sebauh).

    Berebak enggau nya, Raban Nyaga Pengelikun Mensia Mayuh Malaysia (APM) Bintulu matau penyadi tanah tusur di belakang Rumah Benet KM 3 1/2 Jalai Sepaduk Sg Tisang. Rumah panjai ti diuan tujuh ruang bilik ti mungkur 31 iku peranak. #UtusanBorneo

    No comments

    Post Top Ad