Header Ads

  • Berita Tebaru

    Staf profesional JKR deka mutarka penanggul tanah tusur di Bukit Kanada

    Logo Opis Kereja Raya (JKR) Sarawak
    MIRI: Staf profesional ari Opis Kereja Raya (JKR) deka dibai ke Miri ngambi bejalaika pansik mutarka penanggul tanah tusur di Bukit Kanada enggau kandang menua dia nyengkaum Kampung Lereng Bukit.

    Pekara tu dibantaika Menteri Muda Dagang Temuai, Seni enggau Main Asal, Datuk Lee Kim Shin, rambau pejalai ngabas endur tanah tusur di Kampung Lereng Bukit enggau Bukit Kanada pengudah ngetuaika aum enggau ejensi bekaul ditu, kemari.

    “Aku udah berandau enggau Menteri Kereja Raya Datuk Seri Fadillah Yusof enggau Direktor JKR Sarawak Datu Ir. Zuraimi Sabki, bekaul enggau isu ditapi peranak di kandang menua nya.”

    “Aku minta bantu sida ngiga chara pemadu manah dikena mutarka isu tanah tusur lalu Fadillah setuju sereta besemaya deka nganjung orang ti landik ari JKR,” ku iya.

    Ba lansa ke bukai, ujan enda ngetu nyauka tiga hari pengelama kenyau ari 5 ngagai 7 Januari ngujungka 31 iku ari 10 ruang bilik dipindah ngagai endur ti likun pengudah rumah sida di Kampung Lereng Bukit enda likun endur diau.

    Sebagi ari genturung pendiau nya dituntung penusah tanah tusur ngujungka 10 ruang bilik dipindah. #UtusanBorneo

    No comments

    Post Top Ad