Header Ads

  • Berita Tebaru

    Tetiap iku raban Polis dipinta nyediaka diri napi PRU14

    SAC Shafie Ismail
    BINTANGOR: Tetiap iku raban Polis dipinta nyediaka diri napi Pengawa Bepilih Besai Ke-14 (PRU14) ti deka datai, ti disadang deka mar agi ari ke udah.

    Ketuai Polis Nagang Penyalah enggau Opis Nyaga Pengelikun Mensia Mayuh Nengeri, SAC Shafie Ismail madah taja gaya pekara ke nyadi di nengeri tu dipelabaka likun baka ke patut, raban polis agi patut nyediaka diri ba sebarang pekara ke tau nyadi.

    Baka ti udah diasuh matau operasyen polis ba Kandang Tengah  Menua maya pengawa bepilih ti deka datai, iya ngasaika tu maya ti engkeman endar ngagai iya ngingatka semua sida ke gawa di bagi menua tengah sedia gawa, digelar ‘apai’ tauka ‘aki’ ke semua pengawa bepilih.

    Iya pechaya semua ketuai polis pelilih udah nerima penerang silik tauka ‘check list” pasal pekara ti patut dikereja polis dikena nentuka PRU14 lanchar, ku iya lebuh ngemataka Nyerahka Pangku Pengawa Ketuai Polis Pelilih Meradong ari Supt.Mohd Hafifi Mohd Salem ngagai Inspektor Swandi Brahim pagi kemari.

    Ba pekara bukai, Shafie ngelalau semua raban Polis ngambika lurus ati bejalaika pengawa sida lalu enda ngandalka balas lengkas ti tau ngachau fokus sida lebuh ti bejalaika pengawa.

    Iya nyamin bisi sistem dipejalai dikena ngakun pemanah pengawa kaban iya.

    Ngenang pasal Serakup Ruang Bilik Polis (Perkep), Shafie madahka iya bejalaika pengawa ke beguna amat kelebih agi ba pengawa ngintu pengelantang pendiau enggau pekara rama ruang bilik raban polis.

    Shafie mega minta semua orang ti ngaul diri dalam serakup enggau raban polis meri sukung sida ngagai serakup nya. #UtusanBorneo

    No comments

    Post Top Ad