Tikas indeks penyalah ba pelilih Julau nurun - Berita Iban Online

Header Ads

  • Baru Nyadi

    Tikas indeks penyalah ba pelilih Julau nurun

    DSP Bidol Noyeng
    SIBU: Tikas indeks penyalah ba pelilih Julau ungkup timpuh  Januari nyentuk Disember taun ke udah ngerikodka penurun ngagai 11 dibanding 13 kes ungkup timpuh ke sebaka 2016.

    Ketuai Polis Pelilih Julau DSP Bidol Noyeng madah, semina 11 penyalah Indek (Rengka Tengkira enggau Ulah Kasar bisi dirikod).

    “Aku deka meri besai terima kasih ngagai pemujur, penyulut enggau kerejasama sereta pengeransing ti dipandangka semua pemesai enggau kaban polis dalam munaska penyalah lalu ngetanka pengelikun mensia mayuh ba pelilih Julau enggau Pakan taun nyin kemari,” ku iya rambau Gempung Ninting Bulan ba IPD Julau pagi kemari.

    Ku iya, ari sukut tikas pengawa nuduh kes, IPD Julau mega nyapai tikas pengawa nuduh ke  tinggi iya nya 66.66 peratus.

    Iya ngarapka pemujur enggau pengeransing nya ulih dikemanah agi nengah kerejasama mensia mayuh lebih agi bala ketuai, komuniti, ejensi perintah, piak swasta, NGO enggau AMANITA nengah program Polis Komuniti.

    “Anang jampat berasai lantang enggau utai ke dijapai diatu tang patut bebendar agi bejalaika pengawa dikena nambahka pengarap mensia mayuh ngagai Polis Diraja Malaysia,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads