Header Ads

  • Berita Tebaru

    Tim Sarawak dikearap ulih niki baru ngagai Liga Super

    Datuk Abdul Karim Rahman Hamzah
    KUCHING: Tim main bol Liga Premier Sarawak dikearap ulih mulaika pengering lalu mai Sarawak niki ngagai Liga Super ba taun ti deka datai.

    Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah pulai bemain di Liga Super Malaysia sigi dikearap bala penyukung Sarawak.

    “Aku ngarap tim main bol kitai ulih nyapai pemutus ke manah ba taun tu.

    “Ke pemadu berat kitai meseti menang ba tetiap pekit main bol ke dipasuk,’ku iya.

    Karim mansutka jaku nya ba pengerami mandangka jersi baru Tim Bol Sarawak ungkup Liga Premier Malaysia 2018 ke diatur di pasar besai MYDIN Petra Jaya ditu, kemari.

    Tim Sarawak taun tu bemain ba Liga Premier pengudah ngerikut pemutus ke enda manah ba Liga Super 2017.

    Kelimpah ari nya, Karim mega ngarap raban exco Gerempung Main Bol Sarawak (FAS) ti betuaika Presiden Dato Posa Majais ulih ngintu tim nya enggau manah.

    ‘Kitai enggai ninga tim bol tu enda diintu, kitai enggai agi ninga agih belanja ke diberi ngagai FAS dipelanja enggau tuju bukai.

    “Intu manah gerempung dulu. Tentuka gaji pemain dibayar berari,”ku iya seraya madah FAS gerempung ke nerima geran pemadu besai ari Perintah Nengeri.

    Karim pechaya enti FAS diintu enggau manah lalu gaji pemain dibayar, tim ulih nyapai pemutus ke manah.

    ‘Enti kitai menang berari, kitai deka meda stadium kitai ditu penuh didedat bala penyukung kitai,’ku iya.

    Kelimpah mandangka jersi baru, bala pemain ti ngarika Tim Liga Premier Sarawak bela dipandangka ngagai penyukung ke datai.

    Bela datai Menteri Muda Nembiak enggau Lumba Datuk Snowdan Lawan, Direktor MYDIN Mohamed Holding Berhad, Datuk Wira (Dr) Ameer Ali Mydin enggau Menija Besai LEA Sports Centre Sdn bhd Raymond Sim. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: