Header Ads

  • Berita Tebaru

    Ukui ari Kampung Sejijak ditetap positif Rabies

    RABIES: Penyakit ukui tuyu (gila)
    KUCHING: Opis Servis Veterinar Sarawak (JPVS) netapka siti kes positif virus Rabies kemari asil ari pemutus dua iti sampel ke diperesa ti diterima ari VRI, Ipoh.

    Sekretariat Komiti Mutarka Penusah Ngenyit Negeri Sarawak madahka, kes positif nya sampel ukui ari Kampung Sejijak.

    Penerang nya madahka kandang menua nya dalam bungkur 10km radius ti ditukuka bisi virus rabies.

    “Sehari tu (kemari) siti kes positif virus Rabies ari dua pemutus kes peresa Rabies udah diterima ari VRI, Ipoh,” ku penerang nya.

    Pemutus nya udah ngujungka 71 iku ukui diuji positif lalu enam kes nya mayau.

    Opis Pengerai Negeri Sarawak ngeripotka bisi 38 kes ketup jelu baru naka ke diatu ke alai Kuching ngerikod kes ke pemadu mayuh nengah 16 kes ditangkanka Serian (15 kes), Sarikei (tiga kes), Samarahan (satu kes) enggau Sri Aman (tiga kes). #DayakDaily

    No comments

    Post Top Ad